खोज

 जिल्ला प्रहरी कार्यालय दाङले अत्याधुनिक पेस्तोल र त्यसको ४ राउण्ड गोली सहित एक जनालाई पक्राउ गरेको छ । घोराहीको बुद्धिग्यारेज नजिकैबाट एक थान पेस्तोल, एक थान म्यागजिन र ४ राउण्ड गोली सहित घोराही उप महानगरपालिका १३ बडहराका २७ बर्षिय विरबहादुर चौधरीलाई प्रहरीले पक्राउ गरेको हो ।
अबैध हतियार बोकेर हिँडिरहेको भन्ने सूचनाका आधारमा सादा पोशाकमा खटिएका प्रहरीले रा ४ प २४६६ नम्बरको मोटरसाईकल, अमेरिकामा बनेको अटोमेटिक पेस्तोल, म्यागजीन र गोली सहित चौधरीलाई पक्राउ गरी आईतवार सार्वजनिक गरेको हो ।
जिल्ला प्रहरी कार्यालय दाङले आइतबार पत्रकार सम्मेलन गरी चौधरीलाई हतियार सहित सार्वजनिक गरेको हो । पक्राउ परेका चौधरीका बारेमा अनुसन्धान भैरहेको र हातहतियार खरखजना मुद्दामा कार्वाही प्रकृया सुरु गरिएको दाङका प्रहरी प्रमुख एसपी कृष्णहरी शर्माले जानकारी दिए । यसैबिच जिल्ला प्रहरी कार्यालय दाङले प्रहरी बनाईदिन्छु भन्दै ठगि गर्ने एक जनालाई पनि पक्राउ गरी सार्वजनिक गरेको छ । दोलखा नगरपालिका–१ चरीकोट घरभई हाल काठमाडौं पेप्सीकोला बस्ने ५० बर्षिय कालिबहादुर लामालाई ठगिको मुद्दामा पक्राउ गरेको प्रहरीले जनाएको छ ।