खोज

रोटरी क्वल अफ बुटवलको १२२७ औं नियमित बैठकमा प्रा.डा. कपिलदेव लामिछानेले प्रवचन दिए । विभिन्न क्षेत्रका व्यक्तिहरूलाई प्रमुख वक्ताको रूपमा आमन्त्रण गरी बैठकलाई उपलब्धी बनाउने सन्दर्भमा शनिवार रोटरी सचिवालयमा सम्पन्न प्रा.डा. लामिछानेलाई निमन्त्रणा गरिएको थियो । उनको बायोडाटा रोटरीयन छविन्द्र भट्टराईले प्रस्तुत गरेपछि २० मिनेटको लागि समय उपलव्ध गराएकोमा प्रा.डा लामिछानेले जिवन दर्शन र साहित्यको विषयमा मिठास पूर्ण प्रवचन मात्र दिएनन् साहित्यिक कोसेली पनि पस्कीए ।
हिँड्दैछ पाईला मेट्दै छ क्या हो ? गाउँखाने कथाबाट प्रवचन दिन थालेका उनले जीवन त्यहि गाउँखाने कथाको उत्तर भएको बताए । अरू बा“कीलाई छाडेर विगतको राम्रो कुरालाई आत्मसाथ गर्दे अघि बढेमा जीवनमा सफलता मिल्ने उनको भनाइ छ ।
प्रा.डा. लामिछाने साहित्यकार तथा शिक्षाविद्को रूपमा परिचित छन । रूपन्देही क्याम्पसको संस्थापक क्याम्पस प्रमुख उनको २०४३ सालमा कामना पहिलो कृति प्रकाशित भएको थियो । अहिले सम्म ४६ वटा कृति प्रकाशित भई सकेका छन् भने दर्जनौ पदक र सम्मानवाट विभूषित हुनुहुन्छ । उनी साहित्य लगायतका २० भन्दा वढि संघ संस्थामा आवद्ध छन् ।
बैठकमा प्रमुख वक्ता प्रा.डा लामिछानेसँग शिक्षा र साहित्यको विषयमा क्लबका पूर्व अध्यक्षहरू निर्मल लाकौल, महेन्द्र प्रसाद श्रेष्ठ, निवर्तमान अध्यक्ष राजेन्द्र लम्साल, कोषाध्यक्ष यदुनाथ पाण्डे, मधु प्रसाद अर्याल लगायतले जिज्ञासा राखेका थिए ।
रोटरी क्लब अफ बुटवलका अध्यक्ष नारायण प्रसाद पन्थले आफ्नो पनि गुरुलाई बैठकमा प्रमुख वक्ताको रूपमा पाउ“दा खुसी लागेको बताउँदै उनको जीवनीबाट धेरै पाठ सिक्न सकिने बताए । कार्यक्रममा पूर्व अध्यक्ष हरिप्रसाद पौडेल नवीन विष्ट र थानेश्वर पौडेलको जन्मदिन परेकोमा बधाई ज्ञापन गरिएको थियो ।