खोज

भैरहवा, माघ =  वैदेशिक रोजगारको नाममा सीमा नाकाबाट भारत हुंदै मानब बेचबिखन हुने गरेको छ । दलालहरुले बिभिन्न प्रलोभन देखाउंदै मानब बेचबिखन तथा ओसार पसार गर्ने गरेका हुन् । भिसा समेत नलाग्ने हुंदा भारतको सडक हुंदै भारत तथा तेस्रो मुलुक लैजान सहज हुने हुंदा दलालहरु रोजगारीको प्रलोभन देखाउंदै मानब बेचबिखन गर्ने गरेका हुन् ।
दलालहरु मानब बेचबिखन तथा ओसार पसारमा नेपालको तराईको सडक हुंदै भारत लैजाने गरेको सरोकारवालाहरुको भनाई छ ।
अन्तरसीमा मानब बेचबिखन विरुद्ध परियोजना मानब बेचबिखन विरुद्ध खबरदारी गर्ने शुभ अबसर ग्राम नेपाल भैरहवाले सीमा नाकामा कुनै पनि मानिस बेच बिखनमा नपरुन भनेर कर्मचारीलाई सीमा निगरानीमा खटाएको छ । बिभिन्न समयमा गरी हालसम्म करिव ४ सय मानिसलाई उद्द्वार गरेको अबसर ग्राम भैरहवाका परियोजना प्रमुख सत्यनारायण यादबले बताए ।

शुभ अबसर ग्रामले रोहिणि गाउंपालिकाको भगवानपुर, रुपन्देहीको बेलहिया र कालिदह सीमामा कर्मचारीलाई निगरानी तथा उद्वारमा राखेको प्रमुख यादव बताउंछन । हाम्रा कर्मचारी नभएका ठाउंमा १३ ठाउंमा स्थानीयलाई निगरानीमा राख्न समुह समेत बनाएको यादवले बताए ।
रूपन्देही जिल्लाका प्रमुख जिल्ला अधिकारी भरतमणि पान्डेले अशिक्षा र अज्ञानताका कारण मानिसहरु प्रायः बेचबिखनमा पर्ने गरेको बताए । रोजगारीका लागि जाने मानिसपनि सबै कुरा बुझेर जानु पर्छ । भारत जाने मान्छेपनि म कहाँ जांदै छु भन्ने कुरामा ब्यक्ति अलि बढी सजग हुनुपर्ने थाहा पाउनुपर्ने उनको तर्क छ ।

मानिसहरु आफ्नै रहरले बेच बिखनमा पर्छन् । कतिले त सुरक्षाको आंखा छलेर समेत जाने गर्छन् । प्रमुख जिल्ला अधिकारी पान्डे भन्छन्, खुल्ला सीमानाका कारण बढी यस्ता गतिविधि हुने गरेको छ कति मान्छे भारत गए कति आए रेकर्ड नहुंदा समेत यस्तो समस्या आएको हो अब रेकर्ड गर्ने तयारी छ । बेश्याबृत्ति, भिख मगाउने, होटेलमा काम गराउने, जोखिम काम गराउने, धर्म पुत्रीका रुपमा राख्न, अंग प्रत्यारोपण गर्न, सर्कसमा खेलाउन, जबर्जस्ति बिबाह, घरेलु कामदार बनाउन, जबर्जस्ति श्रम गराउने जस्ता कार्यले मानिस लहलैहैमा वा अन्जानबस बेचबिखनमा पर्छन् ।

मानब बेचबिखन तथा ओसारपसार नियन्त्रण ऐन २०६४ का अनुसार कुनै पनि उद्देश्यले मानिस किन्ने वा बेच्ने, कुनै प्रकारको फाइदा लिइ वा नलिइ वेश्यावृतिमा लगाउने प्रचलित कानुन बमोजिम बाहेक मानिसको अंग झिक्ने तथा वेश्याग्मन कार्यलाई बेचबिखन मानिएको छ ।