© २०२३
६ मंसिर २०८१, बिहीबार
६ मंसिर २०८१, बिहीबार
भैरहवा ।
रूपन्देहीको भैरहवास्थित भीम अस्पताल बिकास समितीले आफ्ना ब्याबसायीक सटर भाडाबाट गत बर्षको तुलनामा दोब्बर आम्दानी गर्ने भएको छ ।
साउन महिनामा खोल्नु पर्ने सिलबन्दी बोल पत्र असोजमा खोलिएसंगै प्रतिस्पर्धा गराएर न्यूनतम २७ हजार देखि १ लाख ४० हजार सम्म देखिएको र मूल्यांकनका काम बांकी भएको भीम अस्पतालकी मेसु डाक्टर सकुन्तला गुप्ताले बताइन्।
सिलबन्दी बोलपत्र प्रतिस्पर्धा गराएर सटर भाडामा लाग्ने ब्याबसायीहरुको सम्झौता भएमा अस्पताल बिकास समितिले गत बर्षको तुलनामा दोब्बर आम्दानी गर्ने मेसु गुप्ताको भनाइ छ ।
भीम अस्पतालले ९ बर्ष पछि सटरहरुको बोल पत्र आह्वान गरेको थियो । २४ सटर मध्ये २१ वटाको २०८० असार मसान्तसम्म अन्तिम म्याद रहेको थियो भने ३ वटा सटरको म्याद अझै बांकी रहेको अस्पताल प्रशासनले जनाएको छ ।
© २०२३
सर्वाधिकार सुरक्षित
Design & Developed By:
