खोज

न्यू सत्य साई कला केन्द्रले रूपन्देहीको तिलोत्तमा सञ्चालन भएको तिलोत्तमा डान्स स्टारको उपाधि सुशिला सिंजालीले हात पारेकी छन । लिटिल स्टार इंगलिश स्कूलमा अध्ययनरत सुशिला विजेता बनेकी हुन । उनले नगद ५० हजार, ट्रफी मेडल र प्रमाणपत्र हात पारेकी छन । पर्ल इंगलिश बोर्डिङकी इशा पुन भ्यूअर च्वाईस बन्दै नगद ३५ हजार, ट्रफी मेडल र प्रमाणपत्र प्राप्त गर्न सफल भएकी छन । यस्तै नमूना इंगलिस स्कूल तिलोत्तमाकी रीमा झेडी फस्टर रनरअप भएकी छन । उनले नगद २५ हजार र प्रमाणपत्र प्राप्त गरेकी छन । दुर्गा माविकी आरती थापा सेकेन्ड रनरअप हुँदै नगद १५ हजार र प्रमाणपत्र प्राप्त गरेकी छन । विजेताहरूलाई तिलोत्तमा नगरपालिकाका उपप्रमुख जागेश्वरीदेवी चौधरीले पुरस्कार प्रदान गरेकी थिईन ।
कला केन्द्रले जेठ १२ गतेदेखि तिलोत्तमा डान्स स्टार शुरु गरेको थियो । विद्यार्थीहरूको अन्तरनिहित क्षमतालाई प्रस्फुटन गराउने उद्देश्यले कला केन्द्रले डान्स स्टार सञ्चालन गरेको अध्यक्ष सुन्दर गुरुङ्गले बताए । १२ जनाबाट फाईनल विजेता घोषणा गरिएको उनले बताए ।
फाईनलमा यम पुन, मोहन गुरुङ र मिना बुढाथोकीले निर्णायकको भूमिका गरेका थिए भने मदन नेपाली र तेजेन्द्र थापाले निर्णायक भएका थिए । कार्यक्रममा डिआईडीको आठौंमा पुगेका तिलोत्तमाका रोहन थापा, कालकार अप्सर अली, धनबहादुर गुरुङ्ग, रुकु पाण्डे र मदन नेपालीलाई आयोजकले सम्मान गरेको कार्यक्रम संयोजक कुमार थापाले बताए ।