खोज

नवलपुर, १२ भदौ ।

आर्थिक वर्ष २०८०–८१ मा पूर्व नवलपरासीको कावासोती नगरपालिकाले ५ दशमलव ८ किलोमिटर सडक कालोपत्रे गरेको छ । कावासोती नगरपालिकाका प्रमुख प्रशासकीय अधिकृत लिलाराज पौडेलले गत आर्थिक वर्षमा नगरका १७ वडामा ५ हजार ८०३ मिटर सडक कालोपत्रे गरिएको बताए ।

गत आर्थिक वर्षमा कावासोती नगरभित्र ९ दशमलव ३६ किमी सडक कालोपत्रे र २६ दशमलव ७ किमी सडक मर्मत गरिएको थियो ।

कावासोती नगरपालिकामा २०८०–८१ मा १८.६ किलोमिटर बरावर्को नाला निर्माण भएको छ । नगरभित्रका १७ वडामा १८ हजार ६ सय ९३ मिटर बरावार नहर निर्माण भएको छ ।

गत आर्थिक वर्षमा कावासोती नगरपालिकामा ४५ वटा कल्भर्ट निर्माण भएका छन् । वडा नं ५ ९ इकाइ, वडा नम्बर ६ र ९ ५–५ इकाइ, वडा नं १६ ४ इकाइ, वडा नं १२ र १७ २–२ इकाइ, वडा नम्बर १, ३, ४, ७, ८ र १५ इकाइहरू १÷१ कल्भर्ट निर्माण भइसकेको पूर्वाधार विकास शाखाका उप–इन्जिनियर रञ्जित केसीले जानकारी दिए ।

त्यस्तै नगर भित्र २ हजार ४५७ मिटर पर्खाल निर्माण गरिएको छ । वडा नम्बर ४, ५, ६, ७, ८, ११, १२, १४, १६ र १७ मा २४ सय ५७ मिटर पर्खाल निर्माण गरिएको छ ।

गत वर्ष १९३ मिटर बाराबर सडक भत्किएको थियो । एउटा वडामा ६५ मिटर र वडा नं. ९ मा एक सय २८ मिटर सडक भत्किएको छ ।

गत वर्ष ३ दशमलव ६ किलोमिटर सडकमा केही टाईल बिछ्याइएको छ । त्यसैगरी १३ सय २० मिटर क्षेत्रमा खाल्डो बनाइएको छ । वडा नं ४, ५, ९, १०, ११, १४, १५ र १६ मा बाँध बनाइएको छ ।

कावासोती नगरपालिकाले गत आर्थिक वर्षमा ११ सय १९ वटा सडक बत्ती जडान गरेको छ । विभिन्न वडामा नयाँ संख्यामा सडक बत्ती जडान र मर्मत गरिएको छ ।

त्यसैगरी गत वर्ष ७३७ मिटर काँडे तारको जाली लगाइएको छ । त्यसैगरी ३० आर्क टिल्टर, १३ सिँचाइ मोटर, २ सौर्य बत्ती जडान, ३२ वटा विद्युतीय पोल विस्तार, ३० सिँचाइ सुरुङ निर्माण तथा मर्मतसम्भार, २२ हजार तीन सय ४२ मिटर खानेपानी पाइपलाइन बिस्तार गरिएको छ । उनले गत आर्थिक वर्षमा सडक तथा अन्य पूर्वाधार शाखामार्फत २६ करोड ८४ लाख ७९ हजार २ सय ३२ काम सम्पन्न भएको बताए ।