© २०२३
काठमाडौं, ४ असार । भारतीय गुप्तचर संस्था रिसर्च एण्ड एनालाइसिस विङ (रअ) को प्रमुखमा रवि सिन्हा नियुक्त भएका छन् । हालका प्रमुख सामन्त गोयलको ३० जुन २०२३ मा कार्यकाल सकिँदै छ । भारत सरकारको मन्त्रिपरिषद्को नियुक्ति समितिले सोमबार रअ प्रमुखमा सिन्हालाई नियुक्त गरेको हो ।
सन् १९८८ ब्याचका भारतीय प्रहरी सेवा आईपीएस छत्तीसगढ क्याडरका सिन्हा हाल क्याबिनेट सचिवालयको विशेष सचिवको रूपमा कार्यरत छन्।
मन्त्रिपरिषद्को नियुक्ति समितिले सिन्हालाई दुई वर्षको कार्यकालका लागि रअ प्रमुखमा नियुक्तिलाई अनुमोदन गरेको हो ।
सिन्हासँग पाकिस्तान, अफगानिस्तान र चीनमा समेत काम गरेको अनुभव छ। सिन्हा अहिलेका प्रमुख सामन्त गोयलपछि दोस्रो वरीयताका अधिकारी हुन।