खोज

बुटवल,१९ जेठ । पश्चिम नवलपरासीको रामग्राम १६ हकुईस्थित राज ब्रुअरीको उद्योगको छतमा नेपालको ब्रुअरी उद्योगमा पहिलो र सबैभन्दा ठुलो सोलार परियोजना सञ्चालनमा आएको छ । राज ब्रुअरीले सोलारवाट उत्पादन गरेको उर्जाले आफनो कारखाना संचालन गर्नुका साथै बढी भएको उर्जा नेपाल विद्युत प्राधिकरणको राष्ट्रिय प्रशारण ग्रिडमा जडान गरेको छ ।

राज ब्रुअरीले सिम्पल ईनर्जीसंगको सहकार्यमा उद्योगमा सोलार रुपटप प्रोजेक्ट शुरु गरेको हो । सोलार परियोजनाको शुक्रवार पश्चिम नवलपरासिका प्रमुख जिल्ला अधिकारी विश्व प्रकाश अर्याल, जिल्ला समन्वय समिति संयोजक रुदल यादव, राज ब्रुअरीका प्रबन्ध निदेशक राज बहादुर शाह र पीआईडीजी कम्पनी ईन्फ्राको एशियाकी चिफ एक्जुकेटिभ अफिसर कलाउदिनी लिमले सम्युक्त रुपमा शुभारम्भ गरेका हुन् ।

शुभारम्भ समारोहमा राज ब्रुअरीका प्रबन्ध निदेशक राज बहादुर शाहले उद्योगलाई आवश्यक पर्ने उर्जाको व्यवस्थापन सोलार रुफटपवाट गर्ने र यसले वार्षिक ३९ मेट्रिकटन कार्बनडाइअक्साइड उत्सर्जन घटाउने बताए ।
सोलार रुफटप निर्माता कम्पनी सिम्पल ईनर्जीका प्रमुख कार्यकारी अधिकृत अपार न्यौपानले स्वच्छ उर्जा र नाफा संगै राष्ट्रिय अर्थतन्त्रर तथा वातावरण संरक्षणमा महत्वपूर्ण योगदान दिने विश्वास व्यक्त गरे।

जावलाखेल ग्रुप अफ ईन्डष्ट्रिजका कार्यकारी निर्देशक शशिन जोशीले सोलार रुफटप उर्जा कम्पनीका हरेक परियोजनामा लागु गर्दै जाने बताए। उनले मुलुकको वातावरण संरक्षणका लागि यस्ता उर्जाहरुको उत्पादन र प्रयोग हरेक क्षेत्रमा बढाउन जरुरी रहेको औल्याए।

शुभारम्भ भएको सोलार रुफटप परियोजनाले दैनिक ५ सय किलोवाट उर्जा उत्पादन गर्ने र वार्षिक रुपमा ८४० मेघावाट स्वस्च्छ उर्जा उत्पादन गर्ने कम्पनीले जनाएको छ । सोलार रुफटप परियोजनामा कूल ३ अर्ब ५० करोड रुपैयाँ लगानी भएको उद्योगले जनाएको छ ।