खोज

बुटवल, १५ जेठ ।

विकासका मुद्दामा सबै राजनीतिक दलहरु साझा एजेण्डा बनाएर अघि बढ्नुपर्ने एक कार्यक्रममा बोल्ने वक्ताहरुले जोड दिएका छन् । देशको आर्थिक विकासको मेरुदण्ड पर्यटन क्षेत्र घोषणा भएअनुसार कार्यान्वनमा नीतिगत समस्या रहेको भन्दै सरकार र सरोकारवाला संस्थाहरु लाग्नुपर्ने सुझाव दिए ।

खबरकुरा अनलाईनको तेर्स्रो वार्षिकोत्सवको अवसरमा सोमबार आयोजित समृद्ध लुम्बिनी प्रदेश ः बुटवल र मिडिया अन्तत्र्रिmयामा बोल्ने वक्ताहरुले बजार चलायमान बनाउने गरी सरकारको नीति ल्याउनुपर्ने बताए ।

कार्यक्रममा बुटवल उद्योग वाणिज्य संघका पुर्वअध्यक्ष तथा उद्योगी नवराज श्रेष्ठले आर्थिक र सामाजिक विकासलाई प्राथमिकता दिएर एकीकृत विकास आजको आवश्यकता भएको बताए । बुटवलको आर्थिक समृद्धिमा योगदान दिन गरी यहाँका अगुवाबाट शुरु गरिएको अभियान अलपत्र परेको दुःखेसो गर्दै बुटवल विकास मंन्च राजनितिक भागबन्डाभन्दा माथि लगेर अघि बढाउनुपर्ने बताए । संस्थागत र निरन्तरता योजनावद्घ रुपमा अगाडि बढाउनुपर्ने उनले बताए । पुर्वाधार विकास भएपनि यहाँ उद्योग र ब्यापारको पक्षमा बलियो नीति नबन्दा फस्टाउन कठिनाई रहेको उनले बताए ।

कार्यक्रममा नेपाल पत्रकार महासंघm लुम्बिनी प्रदेशका महासचिव विक्रम खड्काले मिडियाको सकारात्मक आलोचना जरुरी रहेको बताए । हरेक क्षेत्र आफ्नो बारेमा सकारात्मक सोच राख्ने गरेको भन्दै बाहिरी पक्षबाट आउने रचनात्मक आलोचना सुधारमा सहयोग सिद्ध हुने बताए ।

नेपाल पत्रकार महासंघलाई पत्रकारिता गर्ने पत्रकारहरुको साझा संस्था बनाउन चाहेको उनले बताए । बुटवलको आर्थिक विकास गर्न योजनावद्घ लाग्नुपर्ने उनले सुझाव दिए । बुटवलको विकास गर्न योजनावद्घ तरिकाले प्लेटफर्म दिनुपर्ने बताए । ब्यक्तिगत लाभ हानीमा बुटवलबासी हाबी हुँदा अहिलेको अवस्था सृजना भएको दुखेसो गर्दै यसलाई सच्चाउदै अघि बढ्नुपर्ने बताए । संचारगृह चलाउन विज्ञापन महत्वपुर्ण पाटो भएको उनले बताए ।

कार्यक्रममा पर्यटन ब्यवसायी गोपाल रानाले विश्व शान्तिका दुत सिद्धार्थ गौतम बुद्धको जन्मस्थल लुम्बिनी, रामापिथेकसको अवशेष भेटिएको स्थलसहित धेरै धार्मिक, सामरिक, पर्यटकीय स्थललाई भजाएर पर्यटनबाट फाईदा लिन नसकिएको बताए । सरकारले कृषि, खेलकुद र पर्यटनसंगै जोड्ने गरी एकीकृत विकासको नीति बनाउन नसकेको उनले दुःखेसो गरे । एउटा भारतीयले २५ हजार रुपैया भन्दा बढि वा विदेशीेले ३ सय डलरभन्दा बढी ल्याउन नपाउने जस्ता नीति पर्यटन विकासको बाधक भएको उनले बताए । कृषि, पर्यटन र हाईड्रो नेपालको समृद्धिको आधार भएपनि यसलाई जोडेर नितिगत कानुन नबनाउदा सफल हुन नसकेको उनले दुखेसो गरे ।

ब्यवसायी पदम श्रेष्ठले राजनीति मुल नीति भएको भन्दै राजनितिबाट समस्याको समाधान निस्कने बताए । विकासका मुद्दामा साझा एजेन्डा बनाएर अघि बढ्न सक्नुपर्ने उनले सुझाव दिए ।

कार्यक्रममा पर्यटन ब्यवसायी रचना पन्तले दुई वटा केबलकारसंगै अब बुटवल चलायमान हुने अवसरका रुपमा देखिएको भन्दै पर्यटन विकासबाट आर्थिक लाभ लिने गरी अघि बढ्नुपर्ने बताए । हामीसंग भएको जितगढी, रामापिथेकस जस्ता ऐतिहासिक स्थलहरुको प्रचार जरुरी रहेको बताए ।

नेपाल चेम्बर अफ कमर्श, लुम्बिनी प्रदेशका टंक पोखरेलले रुपन्देही मोफसलको राजधानी भनिएअनुसार निर्मम समीक्षा जरुरी रहेको बताए । बुटवलको विकासलाई बुदागत प्राथमिकता गरेर सबै पार्टीहरुबाट लबिङ जरुरी रहेको उनले बताए ।

कार्यक्रममा महिला उद्यमी ज्ञानु केसी, नेवा पुच नेवा समितिका अध्यक्ष काजिमान श्रेष्ठ, रुपन्देही उद्योग संघका निवर्तमान अध्यक्ष बाबुराम बोहरा, कार्यक्रममा नेपाल राष्ट्रिय उद्यान संघका अध्यक्ष खेम लुईटेल, उपभोक्ता संरक्षण मंच बुटवल उपमहानगरपालिकाका अध्यक्ष समुन्द्र जिसि, ब्यवसायी हरि अर्यालले बुटवल बजार शून्य हुनुको कारणहरु खोजेर बृहत् बुटवलको विकासको अवधारणा सहित गुलजार बनाउन सुझाव दिए । कार्यक्रममा संज्ञान मिडिया प्रालिका प्रबन्ध सम्पादक शरण कर्माचार्यले निजि क्षेत्र सबल भएमात्र मिडिया सबल हुने भन्दै मिडियामा भएको विज्ञापनलाई लगानीका रुपमा हेर्न सुझाव दिए ।