खोज

सिद्धार्थनगर नगरपालिकामा कोरोना भाइरस सक्रमण जोखिमका कारण लकडाउनको गरिएको छ ।

यहि ७७ साल साउन ३१ गते राती १२ बजे देखि लागु हुने गरि भदौ ५ गते राती १२ सम्मका लागि लकडाउन गरिएको सिद्धार्थनगर नगरपालिकाका नगर प्रमुख हरि अधिकारीले बताए ।
लकडाउनको अबधीमा अत्यावश्यक काम गर्ने कर्मचारीहरुले परिचय पत्र बोकेर साथमा लिएर हिँड्नुपर्ने नगरपालिकाले सुचना प्रकाशन गरेको छ । खाद्यान्न, तरकारी फलफूल दुध तथा दुग्ध जन्य पदार्थको बिक्रि बितरण आवश्यक दुरी कायम गरि बिहान ६ बजे देखि ९ बजे सम्म र साँझ ५ बजे देखि ७ बजे सम्म सञ्चालन गर्नुपर्ने सिद्धार्थनगर नगरपालिकाले जनाएको छ ।

बैँक तथा बित्तिय संस्थाहरु बिद्युतिय माध्यमबाट सञ्चालन गर्नुपर्ने, काउण्टर सर्भिसहरु बन्द गर्नुपर्ने नगरपालिकाले सम्बन्धीत निकायलाई अनुरोध गरेको छ । उद्योगहरु सुरक्षा मापदण्ड अपनाई काम गर्नुपर्ने, खाद्यपदार्थको लोड गर्ने ढुवानीका साधनले सुरक्षा मापदण्ड अपनाई सुरक्षाकर्मीको रोहबरमा बेलुकी ७ बजे देखि ११ बजे सम्म मात्र गर्न पाइने नगरपालिकाले जनाएको छ ।

सिद्धार्थनगर क्षेत्र भित्र रहेका नापी, मालपोत, आन्तरीक राजस्व कार्यालय र अन्य सरकारी कार्यालयहरु सम्बन्धीत कार्यालय प्रमुखले अत्यावश्यक सेवाका लागि मात्र आवश्यक कर्मचारीहरु उपस्थीत गराई काम हुने गरि ब्यवस्थापन गर्नुपर्ने नगरपालिकाले निर्देशन दिएको छ ।

नगरपालिकाले ठेला, साइकल जस्ता साधन प्रयोग गरि फुटपाथ तथा सडकमा हाटबजारमा कुनैपनि बस्तु तथा सेवा ब्यापार गर्न नपाइने जनाएको छ । नेपाल सरकारले सञ्चालन गर्न नपाइने भनी रोक लगाएका अन्य कुनैपनि क्रियाकलाप गर्न नपाइने नगरपालिकाले जनाएको छ ।

लकडाउन अबधी प्रारम्भ हुनु अघि नै सिद्धार्थनगर आउनुपर्ने ब्यक्तिहरु आइसक्नुहुन र सिद्धार्थनगर छोड्ने ब्यक्तिहरुले नगर छोडिसक्नुपर्ने नगरपालिकाले जनाएको छ ।