खोज

नेपाल भारतको सीमा बिबाद प्रति मधेशी नेताहरुको धारणाबारे टिका टिप्पडी चलिरहेको बेला मधेशी नेताहरुले मधेशी जनता नै सीमा रक्षक भएको बताएका छन । पछिल्लो समयमा मधेशको बिभिन्न ठाँउमा भारतले मधेशको भूमि मिच्न लाग्दा सदियौ.देखि मधेशी जनता लाठीभाला लिएर सीमा सुरक्षा गर्दै आएको सीमा क्षेत्रकै मधेशी अगुवाहरुले यस्तो भनाई राखेको हुन ।

नेपाल भारतको सीमा रक्षा काठमान्डौबाट शासन गर्नेहरु मात्र नभई सीमा क्षेत्रमा बसोबास गर्दै आएका नेपालीलेको बाहुबलले रक्षा गरेको उनिहरुको भनाई छ । विना बर्दी स्वयं सेवक बनेर सीमा क्षेत्रमा कवज बनेर रक्षा गरिरहेको लुम्बिनी क्षेत्रका सांसद फकरुद्दीन मुसलमानले बताए ।
त्यस्तै रुपन्देहीको अन्न भण्डारको रुपमा मानिएको मर्चवारलाई लिने सुगौली सन्धिका बेला प्रस्ताव राख्दा मर्चवारका अगुवा कृषक शिवलालदीन भईया ( श्रीवास्तव ) ले नेपालमै बस्ने ईच्छा जाहेर गरेपछि मात्र सीमा रेखा नेपाल तर्फ आएको दाबी गरे । असली राष्ट्रबादी मधेशी जनता भएको मर्चवारका बिधायक वसीउद्दीन खानको भनाई छ ।

त्यतिमात्र नभई अंग्रेजी फौजसँग मर्चवारबासी महिला पुरुषहरुले मिर्चाको धुकनी (खुर्सानीको धूलो ) ले आँखामा हालेर पराजित गरे पछि उनीहरु द्वारा मर्चवार नामाकरण बिजय प्राप्ती पश्चात ईतिहास मै राष्ट्रियताको ख्याती कमाई सकेको हुदा आवश्यक परे बिना वर्दीका सिपाही बनेर स्तम्भको रक्षाका लागि अहोरात खटने पूर्ब बिधायक बिनोद कुमार उपाध्यायले दाबी समेत गरे ।

तर ईतिहासको पाना पल्टाएर हेर्ने हो भने भारत सँग तमाम सन्धि समझौता मार्फत खसबादी शाषकहरुद्वारा नै राष्ट्रघाती सन्धिको दुष्परिणाम पूरै मधेशले भोक्नु परेको जनता समाजबादी पार्टीका हरिश्चन्द कुर्मीको आरोप छ ।

उनले पछिल्लो समयमा मर्चवारी गाँउ पालिकाले डण्डाखोलामा बनाउन लागेको तटबन्ध भारतीय पक्षले रोक लगाए पछि भारतीय हेपाहा प्रबृत्तिबाट पूरै मर्चवारबासी असन्तुष्ट समेत भएको समेत गुनासो गरे ।

चीन र भारत दुबै महाशक्तिको बीचमा रहेको नेपाल भौगोलिक रुपमा सानै भए पनि भावनात्मक रुपमा हेर्ने हो नेपालले बिश्व सामु छाती फुलाउन सक्ने सीमा क्षेत्रका अगुवाको भनाई छ । उनिहरुले मधेशको ‘तिरहुतिया’ सेनाले अंग्रेजी फौजलाई धूलो चटाए झै आज पनि पूर्खाहरुको उपहार कालापानी लिपुलेक सुस्ता लगायत अन्य गुमी रहेको भूभाग नक्शा बनाएर मात्र नभई अन्र्तराष्ट्रिय स्तरमै कूटनीतिक बार्ता गर्नु पर्ने मधशी साहत्यिकार शिवप्यासीले सुझाव दिए । उनले भने — सरकारले सीमा रक्षकको रुपमा मधेशी जनतालाई जिम्मेवारी दिए त्यसको भूमिका निर्वाह गर्न सक्छ ।