खोज

रुपन्देहीका ८ वटा स्थानिय तह जोड्ने गरी अन्तरपालिका मा सर्वजनिक यायाताको साधान नियमित रुपमा सञ्चालनको तयारी गरिएको छ । सैना मैना नगरपालिकाको प्रमुख संयोजकत्वमा ९ वटा स्थानिय तह समेट्ने गरी नगर बस सञ्चालन गर्ने भएको हो । सैना मैना नगरपालिका का प्रमुख चित्र बहादुर कार्कीका अनुसार यस विषयमा पहिलो चरणको स्थानिय तहका प्रमुखहरुको विचमा छलफल समेत भैसकेको छ ।
सैनामैना नगरपालिका, कञ्चन गाउपालिका, गैडहवा गाउपालिका, सियारी गाउपालिका, मयादेवी गाउपालिका, लुम्बिनी सास्कृतिक नगरपालिका, सिद्धार्थनगर नगरपालिका, तिलोत्तमा नगरपालिक र बुटवल उपमहानगरपालिकाको विचमा एक प्रकारको सम्झौता समेत भैसकको छ ।
कुल ८० किलोमिटर सडकमा खासगरी गाउँ– गाउँबाट सार्वजनिक यातायातको पहुँचबाट टाढा रहेका सेवाग्राहीरुलाई लक्षित गरेर यो योजनाको सुरुवात गर्न लागिएको सैनामैनाका मेयर कार्कीको भनाई रहेको छ । सडक निर्माणको कार्य पुरा भैसककेपछि रुट निर्धारण, ईजाजत लागायतका विषयमा स्थानिय तहबाट नै पहल गरीने र नीजि क्षेत्रलाई उक्त क्षेत्रमा यातायातको साधन चलाउनको लाग आह्वान गरिने मेयर कार्कीको भनाई रहेको छ । उनी भन्छन्–‘यो अन्तर पालिका बस सञ्चालन भएपछि खासगरी लुम्बिनी संग ९ वटा पालिकाहरुको पहुँच बढ्ने छ । ’
दिर्घकालिन रुपमा लुम्बिनीमा जान चाहने व्याक्तिहरुलाई लक्षित गरिएपनि खासगरी विहान साँझको समयमा विद्यालय आउनचाहने विद्यार्थीहरुको साथै किसान, मजदुरहरु समेत यो यातयात बाट लाभांवित हुने जनाइएको छ ।
नेपाल सरकार यातायात मन्त्रालय संग यस विषयमा कुरा गर्नको लागि सैना मैना नगरपालिकाको नेतृत्वमा केही दिनमा नै काठमाण्डौमा गएर रुट ईजाजत लगायतको विषयमा फाईनल गरी अन्तर नगर यातायात सञ्चालन गरिने भएको हो ।
नीजि क्षेत्रलाई यसमा बस सञ्चालन गर्नको लागि आह्वान गरिने र यसमा स्तर आधुनिक बस सञ्चालन हुनेमा आफुहरु विस्वत रहेको मेयर काकीले जानकारी दिए । विभिन्न स्थानमा बस स्टप निर्धारण गरी सोही स्थानमा निश्चित समयमा बस रोकी यात्रु चढाउने र ओराल्ने कार्य गरिने भएको छ ।
पहिलो चरणमा कुल ४८ वटा एसि सहितको बस सञ्चालनको लागि नीजि क्षेत्रलाई आह्वान गरिने भएको हो । नगरपालिकाको योजनामा सोही बस मा नै केही स–सानो ब्रेक फास्ट समेत खान मिल्ने गरी योजना अगाडी बढाइएको छ ।
पुर्णरुमा बातानुकुलित बस सञ्चालन गरिदा आन्तरिक मात्र नभई लुम्बिनीमा आएका बाह्य पर्यटकहरु समेत बुटवल, सैनामैना लगायतका स्थानहरुको समेत अवलोकन गर्न सक्ने अपेक्षा लिइएको छ ।
पालिकाहरुले यस विषयमा कुनै पनि थप लगानी गर्न नपर्ने भएको कारणले पनि छिट्टै समहती भएर सडक यातायात र रुट प्रमिटको लागि पहल गरिने आ अपाm्नो पालिका भित्र बस स्टप(स सनो प्रतिक्षालय) निर्माण गर्न सकिने जनाइएको छ ।
दैनिक ४८ वटा बस सञ्चालन भएमा करिव १ सय ५० जनाले तुरुन्त रोजगारी समेत पाउने र करिव ५० करोड रुपैयाँ नीजि क्षेत्रको लगानी हुने भएको कारणले पनि नीजी क्षेत्र उत्साहित भएको पालिकाहरुल जनाएको छ ।
बाटो सडकले निर्माण गरेको कारण गुडाउने बस किनेर सञ्चालन गर्न कुनै पनि अफ्ठारो नभएको अभियानको संयोजक समेत रहेका सैनामैना नगरपालिकाका प्रमुख चित्र बहादुर कार्कीको भनाई रहेको छ ।

कुल ८० किलोमिटर सडकमा खासगरी गाउँ– गाउँबाट सार्वजनिक यातायातको पहुँचबाट टाढा रहेका सेवाग्राहीरुलाई लक्षित गरेर यो योजनाको सुरुवात गर्न लागिए हो ।
चित्र बहादुर कार्की
मेयर, सैनामैना नगरपालिका