खोज

सरकारको ऐन नियम अनुसार सरकारी सेवाबाट निवृत्त भएपछि अन्य कुनै लाभको पदमा तथा सरकारी तलव लिन नपाउने स्पष्ट प्रावधान छ । तर पाल्पाको तानसेन नगरपािलकाका प्रतिनिधीले भने दोहोरो सुविधा लिदै आएका छन् ।
स्रोतका अनुसार तानसेन नगरपालिकामा निर्वाचित केही जनप्रतिनिधीले नै दोहोरो सुविधा लिदै आएको रहस्य खुलेको हो । दोहोरो सुविधा लिनेमा शिक्षण पेशा र नेपाली सेनाबाट अवकाश प्राप्त गरी जनप्रतिनिधी बन्नेहरु छन् ।
दोहोरो सुविधा लिनेमा वडा नं. १० का वडा अध्यक्ष लोचन तिमिल्सेना उनी शिक्षण पेशाबाट अवकाश प्राप्त व्यक्ति हुन् । उनले सरकारबाट प्राप्त हुने पेन्सन र वडा अध्यक्षको तलव लिदै आएका छन् । त्यसैगरि वडा ६ का सदस्य प्रशान्त मल्ल पनि शिक्षण पेशाबाट निवृत्त भएपनि वडा सदस्य वापतको नगरपालिका बाट सुविधा लिदै आएका छन् ।
नगरपालिकाको वडा नं. ६ सदस्य टिका थापा नेपाली सेनाबाट निवृत्त व्यक्ति हुन् । उनले पनि नगरपालिकाले वडा सदस्य वापतको सुविधा उपभोग गर्दै आएका छन् । नगरपालिका स्रोतका अनुसार गत आर्थिक वर्षबाट नै सुविधा लिदै आएको बुझिएको छ ।
नियमको पालनाका लागि त्यस्ता जनप्रतिनिधीले नैतिक आधारले एक ठाँउको मात्र सुविधा लिनुपर्ने भएपनि दोहोरो सुविधा लिनु लाजमर्दो भएको नगरका एक जनप्रतिनिधीले बताए । उनिहरुको बिषयमा नियमन अनुगमन गरी दोहोरो सुबिधा लिए नलिएको बारे अरु कुनै निकायले हेर्ने हो या नगरपालिकाले नै छानबीन गर्ने हो यो भने हेर्न बाँकी नै छ ।