खोज

सल्यान जिल्लाकै पहिलो सामुदायीक रेडियो राप्ती एफएमले वार्षिकोत्सवको अवसरमा रेडियो तथा न्यानो कपडा वितरण गरेको छ । ११ औँ वार्षिकोत्सवको अवसरमा रेडियोले जिल्ला कारागार सल्यानका कैदीबन्दीहरूलाको लागी रेडियो बितरण गरेको हो ।
कारागारमा रहेका कैदिबन्दीहरूको सुचना पाउने अधिकारलाई सुनिश्चित गर्ने उद्देश्यले रेडियो बितरण गरिएको शारदा मिडिया संगमका अध्यक्ष रमेश कुमार गौतमले बताए । यस्तै कारागारमा रहेका बालबालिकाहरूलाई न्यानो कपडा पनि बितरण गरिएको छ । ‘सामुदायिक रेडियोको भूमिका समाज परिबर्तनको लागी हुन्छ, रेडियोले रचनात्मक काम गर्न सिकाउने हो । हामीले पनि बार्षिक उत्सवको अवसरमा कारागारका कैदिबन्दी र कारागारमा नै आमासँग रहेका बालबालिकाहरूलाई न्यानो कपडा बितरण गरेका छौँ, उनले भने ।
कार्यक्रममा बोल्दै प्रमुख जिल्ला अधिकारी कमलराज ढकालले रेडियोले आवाज बिहिनको आवाजको रूपमा काम गर्नुपर्ने बताए । उनले रेडियोले छिटो छरितो जनतासम्म सुचना पुर्याउने माध्यम भएको बताए । ‘जनतालाई सुसुचित गराउने माध्यम रेडियो हो, जनताको बिस्वास रेडियोबाट प्रशारण हुने सुचना समाचारमा हुन्छ, त्यसैले सत्यतथ्यमा आधारित भएर सुचना समाचार सम्प्रेशनलाई निरन्तरता गर्न आग्रह गर्दछु’, उनले भने ।
यस्तै जिल्ला हुलाक अधिकृत धिरेन्द्र भण्डारीले रेडियो प्रशारण गर्ने सामाग्रीहरूमा सबै क्षेत्र, बर्गको आवाजलाई समेट्नु पर्ने बताए । कार्यक्रममा बिभिन्न कार्यालयका प्रमुख तथा प्रतिनिधि, पत्रकार लगाएतको सहभागिता रहेको थियो । २०६४ साल मंसिर २६ गतेदेखी नियमित प्रशारण शुरु गरेको रेडियोले समाचारमुलक, चेतनामुलक र मनोरञ्जनात्मक कार्यक्रमहरू प्रशारण गर्दैे आइरहेको जनाएको छ ।