खोज

रुपन्देही जिल्ला सैनामैना नगरपालिका वडा नं. १० सालझण्डीमा बसपार्क नहुदा स्थानियहरु मर्कामा परेका छन् । साबिकको सालझण्डी गा.बि.स अहिले नगरपालिका बने संगै र सालझण्डी ढोरपाटनमा यातायात सञ्चालन हुन थाले पछि यो क्षेत्र अहिले ब्यस्त देखिन्छ । यसक्षेत्रमा चल्ने सवारी साधनले गर्दा स्थानियहरु लावान्भित भएका छन् तर यस्को समयमै ब्यबस्थापन गर्न नसके ठुलो दुर्घटना ननिम्ताउला भन्न सकिदैन ।
यहाँबाट दैनिक रुपमा पश्चिम बस ब्यवसायी सघंका ४० ओटा बसले कम्तिमा पनि ३ पटक ओहोर दोहोर गरि जनतालाई सेवा प्रदान गरेका छन् । त्यस्तै श्रीनगर यातायात ब्यबसायी संघका बुटवल देखि छुट्ने ३ ओटा जिपले यस स्थानमा आई नम्बर थाप्ने गर्छन भने सालझण्डी बाट खुर्सोने को लागि ३ ओटा जिप गरि जम्मा ६ ओटा जिप दैनिक रुपमा छुट्ने गर्दछन् । त्यस्तै यसै क्षेत्रमा सालझण्डी चोक बाट २२ ओटा अटो रेक्सा र २ ओटा ई रेक्सा गरि २४ ओटा तिन पांग्रे रेक्सा सञ्चालनमा रहेको छ । यी सबै सवारी साधनको पाकिङ्ग स्थल भनेको लोक मार्गको दायाँ वायाँको ८२ फुट भित्र मात्र हो ।
प्रत्येक मंगलबार र बिहिवार हाट बजार लाग्ने गर्दछ जस्का कारण यस क्षेत्रमा यातायात मात्र होईन पैदल यात्रीलाई पनि यात्रा गर्न कठिन भएको छ । सैनामैना नगरपालिका वडा नं. १० को बिहिवारे बजार क्षेत्र बसपार्क बनाउने कुरामा सबैको चासो रहेको छ । गत २०७१ साल श्रावण १६ गते गा.बि.स सचिब सन्तकुमार चौधरीको अध्यक्षतामा बसेको सर्वदलिय, सर्वपक्षिय बैठकले उक्त जग्गालाई बस पार्क बनाउने निर्णय समेत गरेको थियो । तर आज सम्म सो लागु हुन सकेको छैन ।
दिन प्रतिदिन सवारी साधनको बढ्दो क्रमलाई सहि समयमा व्यबस्थापन गर्न बसपार्कको ब्यवस्था गर्नुपर्ने स्थानिय सारदा गौतमले बताईन । यस क्षेत्रमा बसपार्क नबन्दा यातायातका साधनहरु बटोको छेउमा राख्न परेको पश्चिम नेपाल बस व्यबसायी संघका सालझण्डीमा कार्यरत कर्मचारी बिनोद ज्ञवालीले बताए । उनि भन्छन् बसपार्कको ब्यबस्था भएमा सवारी साधनलाई ब्यस्थापन गर्न सहज हुने र दुर्घटना समेत कम हुने थियो । बाटोमा गाडी पार्कीङ्ग गर्दा व्यवसायीहरुको पसल छेकीने, बाटो जाम हुने हुदा कैयन गुनासो सुन्नु परेको उनको भनाई रहेको छ । बस पार्कको ब्यबस्थापन गर्न सकेमा ट्राफिक ब्यबस्थापन गर्न सहज हुने ईलाका प्रहरी कार्यालय सालझण्डीमा कार्यरत ट्राफिक तोम बहादुर थापाले बताए । यातायातका साधनहरु बाटोको छेउमा राख्न पर्दा कहिले दुर्घटना हुने हो भन्ने चिन्ता लागेको श्रीनगर यातायात ब्यवसायी संघका सालझण्डी रुट सदस्य नरपति अधिकारीले बताए ।