खोज

प्रदेश नम्बर ५ का भौतिक पुर्वाधार विकास मन्त्री बैजनाथ चौधरीले सरकार पुर्वाधार विकासको क्रममा रहेको बताएका छन् । देवसिद्ध खानेपानी तथा सरसफाई उपभोक्ता संस्था बुटवल–११ देवीनगरको ७ औं वार्षिक साधारणसभाको शनिवार शुभारम्भ गर्दै मन्त्री चौकरीले अहिले प्रदेश सरकार आवधिक योजना निर्माणमा लागेको भन्दै मन्त्री चौधरीले ५ बर्षमा विकासको प्रष्ट नमुनाको रूपमा प्रदेश ५ अगाडी बढ्ने बताएका हुन् ।
कार्यक्रममा बुटवल उपमहानगरपालिकाका प्रमुख शिवराज सुवेदीले अब हरेक क्षेत्रमा नीति योजना बनाएर अगाडि बढ्न आवश्यक रहेको बताए ।
संस्थाका अध्यक्ष भरत पाठकले संस्थाको गतिविधिको बारेमा प्रष्ठ पारेका थिए । कार्यक्रममा खानेपानी महासंघका जिल्ला अध्यक्ष धु्रव धिताल, खानेपानी तथा सरसफाई महाशाखा प्रमुख धु्रव धिताल, खानेपानी तथा सरसफाई डिभिजन कार्यालय योगिकुटीका प्रमुख राजकुमार चौधरी, साधना महिला विद्यालयका प्राचार्य विष्णु कुमारी गौतम, दीपावली बचत तथा ऋण सहकारी संस्थाका अध्यक्ष चण्डीप्रसाद न्यौपाने, गार्गी एकेडेमीका प्राचार्य मोहन खनाल, खानेपानीका उपाध्यक्ष लाल बहादुर थापा, सचिव लोकराज शर्मा लगायतले बोलेका थिए ।
संस्थाले ओभरहेड टङकीबाट वितरण हुने पानीको श्रोत कृतिम मुहान ओभरहेड टङकीको पानी प्रशोधन तथा निर्मलीकरण गरी उपभोक्तालाई वितरण गर्ने लक्ष्य लिएको सचिव शर्माले जानकारी दिए ।