खोज

प्रदेश नम्बर ५ का मुख्यमन्त्री शंकर पोख्रेलले जनताको कमाईबाटै विकास अघि बढ्ने बताएका छन् । घोराही उप महानगरपालिका वडा नम्बर ७ को नवनिर्मित भवनको मंगलवार उद्घाटन गर्दै मुख्यमन्त्री पोख्रेलले जनताले कमाई गरे मात्रै सरकारलाई कर आउने र सोही रकम मार्फत विकासमा लगानी हुने बताए ।
विकास र संबृद्धी जनताको कमाईमा भरपर्ने भन्दै सबै नागरीक आम्दानी सँग जोडिनु पर्ने मुख्यमन्त्री पोख्रेलको भनाई छ । हरेक व्यक्ति व्यवसायमा जोडिन आवश्यक रहेको भन्दै मुख्यमन्त्री पोख्रेलले मुख्यगरी कृषि र पशुपालनलाई व्यवसायीकरण गर्न आग्रह गरे । आम्दानीलाई बढाउन प्रत्येक नागरिक श्रम सँग जोडिन आवश्यक रहेकोमा समेत उनले जोड दिए । वडा कार्यालयले जिल्ला देखी केन्द्र सम्मका सूचनाहरू जनता माझमा लैजान भुमिका खेल्नुपर्ने मुख्यमन्त्री पोख्रेलको भनाई छ । अब स्थानिय सरकारको वडा कार्यालय सूचनाको सम्बाहकको रूपमा भएको भन्दै उनले तथ्यांक संकलन गर्ने र जनतासँग जोडिएका सवाललाई गाउँतह सम्म पु¥याउनुपर्ने बताए ।

सरकार अहिले पनि सीकाईको चरणमा भएको बताउदै मुख्यमन्त्री पोख्रेलले साना तिना कमीकमजोरी औल्याउनु भन्दा राम्राकामको प्रचार गर्नुपर्ने बताए । “समग्र दाङको विकाशकालागी बनाईएको गुरुयोजना अनुसार नै काम अघि बढेको छ ढुक्क हुनुहोस्” मुख्यमन्त्री पोख्रेलले भने ।
कार्यक्रममा नगर प्रमुख नरुलाल चौधरीले जनताको संबृद्धीका लागि आबस्यकतामा आधारीत एकीकृत विकासको सुरुवात गरेको बताएकाछन् । दिर्घकालिन सोचका साथ नगरको समग्र क्षेत्र विकासमा आफुहरू लागेको भन्दै उनले अब विकास माग्ने स्थिती नै आउन नदिने बताए । हाम्रो नगर भित्रका सवै योजनाहरूलाई प्राथमिकताका साथ योजना वनाएर सम्पन्न गर्ने तयारीमा उप महानगरपालीका छ मेयर चौधरीले भने । कृषि तथा पशुपालनमा पनि उप महानगरपालीकाले योजना बनाएको चौधरीले जानकारी दिए । कृषिका लागि सींचाईको केही हदसम्मको तालहरू निर्माण गरीएको भन्दै मेयर चौधरीले समयसमयमा विउविजन तथा कृषि औजारहरू सहुलिएतमा वितरण गरीरहेको जानकारी दिए ।
वडा कार्यालयको ५७ लाख १३ हजार रूपैयाँ लागतमा अपांगमैत्री भवन निर्माण भएको हो । एक तले पाँच कोठे भवनमा तीन वटा शौचालय रहेको छ । स्थानीय तहको निर्वाचनपछि वडा कार्यालय भाडाको घरमा बस्दै आएको थियो ।