खोज

पत्रकारले गाउँसमाज र कुनाकन्दराका आवाज राज्यका अंग सम्म पु¥याउनुपर्ने एक कार्यक्रमका वक्ताहरूले बताएका छन् । बक्ताहरूले पत्रकार र पत्रकारिता जगतले सत्य तथ्य र निष्पक्षतालाई अक्षुण राखी काम गर्नुपर्ने बताएका हुन् । आधुनिक प्रविधिको विकाससँगै पत्रकारितामा केही विकृति पनि मौलाएको भन्दै पत्रकारिताको मर्म र भावनालाई अंगालेर पत्रकारिता गर्न आग्रह गरेका छन् ।
शनिबार कपुरकोटमा आयोजित नेपाल पत्रकार महासंघ सल्यानको चौथो साधारण सभामा बोल्ने बक्ताहरूले समाजका कुना कन्दराहरूका आवाज राज्यका अंगसम्म पु¥याउन पहल गर्नुपर्ने बताए । राज्यलाई जनता प्रति उत्तरदायि बनाउन पत्रकारहरूको ठुलो भूमिका हुने भएकाले सत्य तथ्य र निष्पक्षतालाई अंगिकार गरी अघि बढनु पनें बताए ।
कार्यक्रममा बोल्दै जिल्ला समन्वय समिति सल्यानका प्रमुख केश बहादुर विष्टले देशका ठुला ठुला परिवर्तनमा पत्रकारहरूको अहम भूमिका भएकाले निडर र जनताको पक्षमा वकालत गरी रहन आग्रह गरे । पछिल्लो समय पत्रपत्रिका पढ्ने रेडियो सुन्ने सस्कार हराउदै गएकाले जनताका अभिरुची विषय र खोजमुलक सूचना सम्प्रेषण जोड दिनु पर्ने बताए ।
यस्तै कपुरकोट गाउँपालिका अध्यक्ष भीम बहादुर सेनले समाजमा भएका सूचनाहरूलाई उजागर गनुै पत्रकारहरूको जिम्मेवारी भएको बताउदै स्थानीय तहलाई पारदर्शी र उत्तरदायि बनाउन भूमिका खेल्न आग्रह गरे ।
यस्तै दार्मा गाउँपालिका अध्यक्ष निम बहादुर केसीले समाज परिवर्तनको संवाहकको रूपमा रहेको पत्रकार जगतले जनता र राज्य बिच पुलको काम गर्नु पर्नेमा जोड दिए । संघीयता, स्थानीय तहलाई सफल बनाउने या नबाउने जिम्मा पत्रकारको हातमा भएकाले संघीयताको सस्थागत विकासमा टेवा पुग्ने गरी पत्रकारिता गर्न आग्रह गरे ।
नेपाल पत्रकार महासंघका केन्द्रिय सदस्य टेकराज शाहीले स्थानीय स्तरमा भएका विकास निमार्णका काम र शुसाशनका पक्षमा कलम चलाउन आग्रह गरे । पत्रकारहरू कसैको रवाब र दावाव नपरिकन पत्रकारिताको धर्म र मर्मलाइ पारदर्शी ढंगले अघि बढन् आग्रह गरे । मुलुकी आचारअसंहिताको नाममा प्रेसमाथि अंकुश लगाउने प्रयास भएपनि खोज मुलक र अनुसन्धानमुलक पत्रकारितालाई अघि बढाउनु पर्ने बताए ।
कार्यक्रममा प्रेस यूनियनका जिल्ला कोषाध्यक्ष राजेश शर्मा, प्रेस चौतारी सल्यानकी सचिव मिना बुढाथोकी, प्रेस सन्ेटर सल्यानका अध्यक्ष टिकाराम भण्डारी दिपसागर, सामदायिक रेडियो प्रसारक संघ अकोराबका कर्णाली प्रदेश अध्यक्ष रमेश गौतम, नेपाल पत्रकार महासंघ कर्णाली प्रदेशका सदस्य सन्तोष जिएम, नेपाल पत्रकार महासंघ जिल्लाका सल्लाहाकार सनत कुमार शर्मा लगायतले शुभकामना मन्तव्य राखेका थिए । चौथो साधारण सभाले सचिव शंकर के सीले प्रस्तुत गरेको सांगठनिक र कोषाध्यक्ष योगराज विकले प्रस्तुत गरेको आर्थिक प्रतिवदेन एक मतका साथ पारित समेत गरेको छ ।