खोज

नेपाल पत्रकार महासंघ जिल्ला शाखा सल्यानले मंगलबार आफ्नो २४ औँ स्थापना दिवस मनाएको छ । २०५२ मंसिर ४ गते तदर्थ समितीको रूपमा स्थापनमा भएको थियो । सल्यान शाखाले पहिलोपटक स्थापना दिवस मनाएको हो ।
स्थापना दिवसको अबसरमा अक्षय कोष स्थापना गरिएको छ । बिभिन्न ब्यक्तिहरूले अक्षयकोष स्थापना हुन् । अक्षयकोष स्थापनमा शारदा नगरपालीका वडा नम्बर २ घर भएका शारदा नगरपालीका सल्यानका प्रमुख समेत रहेका शुरेस अधिकारी र उनकी श्रीमती कल्पना आर्चायले स्वर्गीय छोरी अजिता अधिकारीको नाममा अजिता स्मृति पत्रकारीता पुरुस्कार स्वरूप ५० हजार अक्षयकोषमा जम्मा गरेका छन् । यस्तै संस्थापक सयोंजक हरीशरन आर्चायले सस्थापक पत्रकारीता पुरुस्कारका लागी ५० हजार ५१ रूपैया अक्षयकोष स्थापना गरेका छन् । यसैबिच नेपाल पत्रकार महासंघ जिल्ला शाखा सल्यानमा स्थापीत शालीकराम शर्मा स्मृति पत्रकारीता पुरुस्कारमा रेडियो शारदा एफएम सल्यानले १० हजार अक्षयकोषमा जम्मा गरेको नेपाल पत्रकार महासंघ सल्यान शाखाका अध्यक्ष प्रतिक ईच्छुक शर्माले बताए ।
उनका अनुसार दिबसकै अबसरमा जिल्ला अस्पताल सल्यानमा सबै भन्दा बढि रक्तदान गर्ने ब्यक्तिहरूलाई सम्मान गरिएको छ । जिल्ला अस्पताल सल्यानमा बिरामीहरूलाई अहिले सम्म सबैभन्दा धेरै रक्तदान गर्ने हिमाल यात्री र पत्रकार डिल्लीराज रावतलाई सम्मान गरिएको थियो । यात्रीले अहिलेसम्म ५ पटक र रावतले ४ पटक रक्तदान गरिसकेका छन् । महासंघले स्थापना दिबसकै अबसरमा बिभिन्न ब्यक्ति तथा महासघ जिल्ला शाखा स्थापनाका तदर्थ समितीका पदाधीकारि र पूर्व अध्यक्षहरूलाइ सम्मान पनि गरिएको उहाँले बताउनु भयो । सस्थापक सयाेंजक हरीशरण आर्चाय, पूर्ब अध्यक्ष रमेश कुमार गौतम, निर्बतमान काबा अध्यक्ष सनत कुमार शर्मा र सस्थापक सल्लाहकार प्रकाश ज्वालालाई कदर पत्र सहित सम्मान गरिएको छ । साथै पूर्ब अध्यक्षहरू स्वर्गीय शालीकराम शर्मा, उत्तम हमाललाई मरोन्तपरान्त कदर पत्रले सम्मान गरिएको अध्यक्ष शर्माले बताए ।कार्यक्रममा बोल्दै पूर्व सामान्य प्रशासन मन्त्री तथा प्रतिनिधि सभा सदस्य टेक बहादुर बस्नेतले पत्रकारले सधै राज्यलाइ खबरदारी गर्नुपर्ने बताएका थिए । उनले अहिलेका जनप्रतिनिधिहरू अझै केहि पुरानै प्रवृतीमा भएकाले नयाँ व्यवस्थामा ल्याउन पत्रकारले भुमीका खेल्नुपर्ने बताए ।
‘जति नागरिकलाई जवाफदेहि बनाउन सकिन्छ, त्यसको फल मिठो हुन्छ,’ उनले भने, ‘गलत बाटोमा जाने जो कोहिलाई पनि सहि बाटोमा ल्याउन पत्रकारको महत्वपूर्ण भूमिका हुन्छ ।’त्यस्तै प्रमुख जिल्ला अधिकारी कमलराज ढकालले पत्रकारले सत्य र निष्पक्ष तरिकाले समाचार लेख्नुपर्ने जनाउदै आवाज नहुनेको आवाज बन्नुपर्ने बताएका छन् । उनले भने पत्रकार सबैको साझा बन्नुहोस, पक्ष विपक्षमा नरहेर आफ्नो कर्तव्यको पालना गर्नुहोस् ।कार्यक्रममा जिल्ला समन्वय समिती सल्यानका उपप्रमुख हरी प्रकाश बुढाथोकी, प्रहरी नायव उपरिक्षक बिरेन्द्र बहादुर शाही, ससस्त्र प्रहरी सल्यानका प्रमुख डिएसपी विमल डाँगी, नेपाल पत्रकार महासंघ सल्यानका पुर्व अध्यक्ष रमेश गौतम, केन्द्रिय सदस्य टेकराज शाही, शारदा नगरपालिका वडा नम्बर २ का वडा अध्यक्ष केशव सिंह श्रेष्ठ लगाएतको सहभागीता रहेको थियो । महासंघका जिल्ला अध्यक्ष प्रतिक इच्छुक शर्मा, उपाअध्यक्ष भरत कुमार बस्नेत, सहसचिव शिव डाँगीलगायतले बालेका थिए । à