© २०२३
बुटवल,११ फागुन । सुर्खेतमा एक प्रहरीले आफ्नै कन्चटमा गोली हानेर आत्यहतया गरेका छन् । कर्णाली प्रदेश प्रहरी गणमा कार्यरत २६ वर्षीय कबिन्द्र बिकले आफ्नै कन्चटमा एसएलआर गोली हानी आत्माहत्या गरेको कर्णाली प्रदेश प्रहरी कार्यालयले जनाएको छ ।
बिहीबार बिहान २ः५६ को समयमा ड्युटी बसिरहेको समयमा प्रहरी जवानले एसएलआरबाट दाहिने साईडको कन्चटमा गोली हानी आत्महत्या गरेका हुन् ।
विक दार्चुलाको अपी नगरपालिका ६ का स्थायी बासिन्दा हुन् । उनको दरबन्दी कालिकोटको प्रहरी चौकी सुकाटियामा रहेको थियो । तर उनी कर्णाली प्रदेश प्रहरी गणमा कार्यरत थिए । आत्महत्याको कारण खुल्न सकेको छैन ।
घटनाको थप अनुसन्धानको लागि जिल्ला प्रहरी कार्यालय सुर्खेतबाट प्रहरी निरीक्षक मिलन पाण्डेको कमाण्डमा ८ जनाको प्रहरी टोली खटिएको प्रहरीले जनाएको छ ।