नवलपरासी पश्चिम् ।
नेकपा माओवादीका अध्यक्ष पुष्पकमल दाहाल प्रचण्ड बर्दघाट आइपुगेका छन् ।बर्दघाटको त्रिबेणि चोकमा स्थानिय जनप्रतिनिधि पार्टीका नेता तथा कार्यकर्ताहरुले प्रचण्डलाई स्वागत गरेका छन ।
पार्टीको बर्दघाट नगर समितिको कार्यालयमा पत्रकारहरु सग संक्षिप्त कुराकानी गर्दै अध्यक्ष प्रचण्डले दाउन्नेको अवस्था हेर्न पनि सडक मार्ग बाटै आएको बताए ।”यो बाटोको बिषयमा विभिन्न चर्चा परिचर्चा थिए,बाटो छिचोल्नै सकिँदैन दुम्किबास बाटै १०/१२ घण्टा लाग्न सक्छ भन्ने पनि थियो,भरतपुर नै फर्किएर भैरहवा हुँदै जानेकी भन्ने पनि थियो तर जति घण्टा लाएपनी दाउन्नेबाटै जानू पर्छ भन्ने लाग्यो “उनले भने।
पछिल्लो समय कामले गति लिएको बताउँदै अध्यक्ष प्रचण्डले स्थलगत अवलोकन पछि निर्माणको अवस्थाका बारेमा सदनमा बाटोका विषयमा बोल्ने बताए ।जति बाटोको बिषयमा सुनिएको थियो तुलनात्मक रुपमा सहज तरिकाले आफुहरु आईपुगेको उनले बताए ।अध्यक्ष प्रचण्ड सगै माओवादी नेताहरु अग्नि सापकोटा,देव गुरुङ,कृष्ण महरा लगायतका नेताहरू सहभागी रहेका छन ।
जनतासँग माओवादी हुलाकीमार्ग केन्द्रित तराई-मधेश जागरण अभियान’ अन्तर्गत भोलि सदरमुकाम परासिमा हुने कार्यक्रम लाई सम्बोधन गर्न प्रचण्ड नवलपरासी आईपुगेका हुन ।प्रचण्ड आज बेपत्ता परिवार राजुराम पौडेलको बर्दघाट स्थित घरमा बस्ने वाईसिएल नवलपरासीका संयोजक मोहन सापकोटाले जानकारी दिए ।
७ बैशाख २०८२, आईतवार
