खोज

नेपाल पत्रकार महासंघ जिल्ला शाखा सल्यानले सल्यानको चाँदनी साततले गुफाको विकास र सरक्षणमा ध्यान पु¥याउन सम्बन्धीत निकायहरूलाई अनुरोध गरेको छ । छत्रेश्वरि गाउँपालिका वडा नम्बर ५ लेखपोखरा स्थित गुफामा पुगेर बैठक बसि महासंघले स्थानीय तह, प्रदेश तथा केन्द्र सरकारलाइ धार्मिक तथा ऐतिहासिक महत्व बोकेको अत्यन्तै रमणिय स्थल चाँदनी साततले गुफाको विकासमा योजना ल्याउन ध्यानाकर्षण गरेको हो ।
बैठकले महासंघको वार्षिक साधारणसभा आगामी मंसिर ८ गते जिल्लाको कपुरकोटमा गर्ने निर्णय पनि गरेको छ । स्थानीय तहसँग समन्वय गरेर कर्णालीको प्रवेशद्वार कपुरकोटमा महासंघको वार्षिक साधारणसभा गर्ने निर्णय भएको छ, महासंघका जिल्ला अध्यक्ष प्रतिक इच्छुक शर्माले भने ।
यस्तै २०५२ साल मंसिर ४ गते पत्रकार महासंघ जिल्ला शाखा गठन भएकोले सोहि दिन मंसिर ४ गतेको स्थापना दिवस विविध कार्यक्रम गरि मनाउने निर्णय पनि बैठकले गरेको छ । जस अनुसार मंसिर ३ गते बिहान जिल्ला अस्पताल सल्यान परिसरमा सरसफाइ, ४ गते महासंघ जिल्ला शाखा स्थापनाका तदर्थ समितिका पदाधिकारी र पूर्व अध्यक्षहरूलाई सम्मान गर्ने कार्यक्रम तय भएको महासंघका उपाध्यक्ष भरत कुमार बस्नेतले जानकारि दिएका छन् । सचिव शंकर केसीले सहजीकरण गरेको बैठकमा पत्रकार महासंघका केन्द्रीय सदस्य टेकराज शाही, सल्लाहकार शनत कुमार शर्मा लगायतकाले बोल्दै जिल्लाका पर्यटकीय क्षेत्रसम्म नै पुगेर महासंघको बैठक बसी ती क्षेत्रको प्रचारप्रसारमा जिल्ला शाखाले सराहनीय काम गरेको बताएका थिए । पत्रकारको टोलिलाई गुफा व्यवस्थापन समितिका अध्यक्ष याम बहादुर पुन, छत्रेश्वरी ५ का वडाध्यक्ष लिलाधर घर्ती लगायत स्थानीयले स्वागत गरेका थिए ।à