खोज

पर्याप्त सूचना र जानकारीको अभावका कारण किसानहरूले विमावाट लाभ लिन नसकेको प्रदेश ५ का भूमि व्यवस्था, कृषि तथा सहकारी मन्त्री आरती पौडेलले बताएकी छिन् । ५ नम्वर प्रदेश सरकार भूमि व्यवस्था, कषि तथा सहकारी मन्त्रालयले रोल्पा सदरमुकाम लिवाङमा सोमबार आयोजना गरेको एक अन्तक्र्रिया कार्यक्रममा मन्त्री पौडेलले उक्त कुरा वताएकी हुन् ।
किसानहरूका लागि बिमा अत्यावश्यक रहे पनि यस सम्वन्धमा जानकारी नहुँदा किसानहरूले लाभ लिन सकिरहेका छैनन मन्त्री पौडेलले भनिन् । कृषिलाई व्यवसायिकरण गरे संगै बिमा प्रति आकर्षण समेत वढ्दै जाने मन्त्री पौडेलको भनाई छ । प्रदेश सरकारले कृषिलाई व्यवसायिकरण गर्न चालु आर्थिक वर्षमा समेत केही महत्वपूर्ण कार्यक्रम तर्जुमा गरेको वताउँदै त्यसवाट यथेष्ट फाईदा लिन कृषक र सहकारीकर्मीहरूलाई आग्रह गरिन । प्रदेशका सवै जिल्लामा एक एक वटा सहकारी वजार स्थापना गर्ने, कोल्ड स्टोर निर्माण गर्ने र सहकारी संस्था मार्फत हरेक जिल्लामा एक एक वटा दुध ढुवानीका लागी ट्यांकर उपलव्ध गराउने लगायतका कार्यक्रम रहेको मन्त्री पौडेलको भनाई थियो । प्रदेशका सवै निर्वाचन क्षेत्रमा एक एक वटा स्मार्ट कृषि गाउँ वनाउन लागेको मन्त्री पौडेलले जानकारी दिईन ।
अन्तरक्रिया कार्यक्रममा जिल्ला समन्वय समिति रोल्पाका प्रमुख राजवहादुर वुढाले किसानहरू जोखिम मोलेर नयाँ व्यवसाय गर्न तयार नदेखिएको वताए । परम्परागत खेती गरिरहेका उनीहरू व्यवसायिक खेती गरेर जोखिम वहन गर्न चाहादैनन प्रमुख वुढाले भने । बिमाको वारे किसानहरूमा सूचना नभएका कारण उनीहरूले पेशालाई विधिकरण गर्न वा परिवर्तन गर्न चाहादैनन वुढाले भने । अझै पनि हिउदमा जौ र वर्षे सिजनमा मकै खेती गर्ने प्रवद्धी कम भएको छैन वुढाले भने । परम्परा खेतीले २,३ महिना पनि खान नपुग्ने भएकाले विदेश जान वाध्य छन प्रमुख वुढाले भने ।
बीमा किसानहरूका लागि अपरिहार्य विषय भए पनि यसको प्रकृया निकै झंझटिलो भएको किसानहरूले गुनासो गरेका छन । प्रकृया वोझिलो र झझटिलो छ अगुवा कृषक ऋषिराम रोका मगरले भने । कर्मचारी गाउँ गाउँ खटाएर विमाको वारे जानकारी नदिए सम्म यस प्रति किसानको आकर्षण देखिने संभावना छैन कृषक रोकामगरले भने । नीजि बिमा कम्पनीलाई जिम्मा दिनु भन्दा सरकारले आफै बिमा गर्न सके किसानको विश्वास पनि वढ्ने किसानहरूले सुझाव दिएका छन । पशुपालक कृषक उद्यमी, विमा कम्पनी तथा वित्तीय संस्थाहरू संग सहकार्यका लागि आयोजित उक्त अन्तरक्रिया कार्यक्रममा प्रदेश ५ का आन्तरिक मामिला तथा कानून मन्त्री कुलप्रसाद केसी, राष्ट्रिय सभा सदस्य मीना वुढा लगायतको बोलेका थिए ।