खोज

युएई(बुटवल टुडे) फागुन– बल्कोट संपर्क समाज युएईमा उमाकान्त पाण्डेको नेतृत्वमा नयाँ समिति गठन गरिएको छ ।
संयुक्त अरब इमिरेट्स युएईमा रहेका बल्कोटेहरुको ५ औ भेलाले सर्वसम्मत रुपमा पत्रकार समेत रहेका उमाकान्त पाण्डेको नेतृत्वमा कार्यसमिति गठन गरिएको हो । छत्रदेव बल्कोट ३ साजबोटका पाण्डे युएईमा सकृय पत्रकारिता गर्दै आएका छन् ।
नयाँ गठित कार्यसमितिको उपाध्यक्षमा गिरिराज पाण्डे, सचिव राहुल कुमाल मुस्कान, सह सचिव शेषकान्त न्यौपाने, र सहकोषाध्यक्षमा प्रकाश रायमाझी रहेका छन् ।
नव गठित कार्यसमिती सदस्यमा भिमबहादुर कुमाल, कमला मुस्कान र राजु घिमिरे रहेका छन् । सल्लाहकारमा पुर्व अध्यक्षहरु क्रमशः टुमलाल पाण्डे, दिनामणी पाण्डे, खुमानन्द लामीछाने र सस्थाको संरक्षकमा इन्दिरा पराजुली रहेका छन् ।
अर्घाखाँचीको छत्रदेव गाउपालिका अन्तर्गत साविकको बल्कोटबाट दुबई युएईमा आएर काम तथा बिभिन्न पेशा गर्दै गरेका युवाहरुले ५ बर्ष पहिले स्थापना गरेको बल्कोट संपर्क समाज युएईले जिल्ला तथा गाउमा बिभिन्न सामाजिक काम गर्दै आएको छ ।
गाउंमा समस्यामा परेका, रोगबाट थलिएका आर्थिक अवस्था कमजोर भएका , तथा गाउंठाउमा परी आउने दैवीप्रकोप तथा बिभिन्न सामाजिक काममा समाजलाई सकृयरुपमा परिचालित गर्ने समाजका सचिव राहुल कुमाल मुस्कानले बताए ।