खोज

 
रूपन्देहीको नहरपुरमा जारी पाँचौ माउण्ट स्टार नक आउट फुटबल प्रतियोगितामा भैरव एफसी नवलपरासी विजयी हुँदै अन्तिम चारमा स्थान पक्का गरेको छ । माउण्ट स्टार एफसीको आयोजनामा नहरपुर मावि खेलमैदानमा शुक्रबार भएको अन्तिम क्वाटरफाईनल खेलमा सुनौलो संगम क्लब बुटवललाई ५–१ गोल अन्तरले पराजित गर्दै भैरव सेमीफाईनलमा स्थान पक्का गरेको हो ।
स्थानीय एन्फाका युवा खेलाडीहरूसहित मैदानमा उत्रेको सुनौलो संगम शुरुवातमा राम्रो खेल प्रस्तुत गरेको थियो । खेलको ८ आंै मिनेटमा सुनौलोका रितेश मल्लले गोल गर्दै खेलमा अग्रता लिएको थियो । भैरवको जितमा अनुप गुरुङ्ग नायक रहे । उनले खेलको ४५, ४६, ५१ र ५३ आंै मिनेटमा गोल गर्दै खेलमा ह्याट्रिक पुरा गरे । भैरवका धनिराम चौधरीले खेलको १८ आंै मिनेटमा गोल गरेका थिए ।
खेलमा भैरवका अनुप गुरुङ्ग म्यान अफ दी म्याचबाट पुरस्कृत भएका थिए । शनिबार पहिलो सेमीफाईनल खेलमा आयोजक माउण्ट स्टार क्लबसँग डिफेन्डिङ्ग च्याम्पियन चर्च ब्वाईज युनाईटेड काठमाडांैले सामना गर्नेछ ।
प्रतियोगितामा उपाधि विजेतालाई नगद २ लाख २५ हजार, कप, मेडल, प्रमाणपत्र तथा उपविजेता टिमलाई नगद १ लाख १५ हजार, कप, मेडल, प्रमाणपत्रबाट पुरस्कृत गरिने संयोजक बिनोद गौतम क्षेत्रीले बताए ।
यसैगरि सेमीफाईनल पुग्ने दुई टिमलाई २५–२५ हजार नगदबाट पुरस्कृत गरिने छ । प्रतियोगितामा उपाधिका लागि काठमाडौं, नवलपरासी, मकवानपुर, चितवन, कपिलबस्तुसहित रूपन्देही १६ वटा टिमले भाग लिएका छन् । à