खोज

बुटवल,१६ माघ । दाङ घोराहीका ऋषि पोखरेल १० बर्षिय नाबालिकामाथि जबरजस्ति करणिको मुद्धामा पुर्पक्षका लागि कारागार चलान भएको दुर्इ महिनामा सफाई पाएका छन् । आर्थिक चलखेल गरेर नाबालिकालाई बयान फेर्न लगाएर पोखरेलले सफाई पाएको स्थानीयको दावी छ । उनी घोराही उपमहानगर वडा नम्बर १३ का वडा अध्यक्ष डुल्लु पोखरेलका छोरा हुन् । उनलाई मुद्धाको अन्तिम टुङ्गो नलागेसम्म दाङ देउखुरी जिल्ला अदालतले पुर्पक्षका लागि कारागार चलान गरे पनि त्यसको २ महिनामै सो मुद्धामा सफाई दिएको हो । अदालतका जिल्ला न्यायाधीश जगतप्रसाद पौडेलको एकल इजलाशले पोखरेललाई सफाई दिएपछि उनि कारागारबाट छुटेका हुन । अदालतमा न्यायाधीश र पिडित नाबालिकालाई आर्थिक चलखेल गरेर २ महिनामै पोखरेलले सफाई पाएको अदालत स्रोतले जनाएको छ ।
कांग्रेस नेताहरुले प्रहरीलाई मुद्धा दर्ता नगर्न र दर्ता भइहालेको अबस्थामा मुद्धा कमजोर बनाउन केन्द्रबाट निकै ठुलो दबाब दिदै आएपनि प्रहरीले अन्तिममा बाध्य भएर दर्ता गरेको थियो । नाबालिकामाथीको बलात्कार मुद्धा मिलाउन खोज्दा अभियुक्त ऋषि केही दिन भाग्न सफल भएका थिए । चारैतिरको दबाबपछि उनलाई लुकिछुपी बसेको अबस्थामा घोराहीको भरतपुरबाट पक्राउ गरेको थियो । सुरुमै आर्थिक चलखेलकै कारण मुद्धा दर्ता गर्न आलटाल गरेका डिएसपि जिप्रका दाङमा धेरै लामो समय मुद्धा फाटमा बसेकाले जिल्ला प्रहरी प्रमुखलाई सामान्य घटना भएको भन्दै ढाकछोपको प्रयास पनि गरेका थिए । पिडितले जबरजस्ति करणिमा जाहेरी लगेपनि प्रहरीले बाल यौन दुव्र्यवहारमा मुद्धा दर्ता गर्दै घटना अनुसन्धान गरेर ऋषिलाई बचाउन निकै लागि परेको स्थानीयको गुनासो छ । तर, पिडित नाबालिकाको अस्पतालको मेडिकल रिपोर्ट बलात्कार कसुरमा थप प्रमाणित हुने अबस्था आएपछि जिल्ला सरकारी वकिल कार्यालय घोराहीले जबरजस्ति करणिमा मुद्धा ल्याउन प्रहरीलाई निर्देशन दिएपछि बलात्कारमा प्रहरीले मुद्धा दर्ता गरेको थियो ।