खोज

बुटवल । सामाजिक विकास मन्त्रि सुदर्शन वरालले प्राकृतिक प्रकोप व्यस्थापनको लागि प्रदेश सरकार पूर्ण तयारीमा रहेकोे बताएका छन ।मन्त्रि वरालले राहत वितरण कार्यविधि समेत तयार गरी प्रदेश सरकारले विपद व्यवस्थापनको लागि तयारी गरेको बताए । सामाजिक विकास मन्त्रालय स्वास्थ्य सेवा महाशाखाले मंगलवार बुटवलमा आयोजना गरेको दु्रत प्रतिकार टोली –आर आर टि को अभिमुखिकरण तथा वैठकलाई सम्वोधन गर्दे उनले प्रकोप पछि स्वास्थ्य उपचारको प्रवन्धको लागि सवै आवश्यक जनशक्ति परिचालन गरिने बताए ।
उनले रोजगार विहिन अहेव, सिएमएहरुलाई समेत भोलेण्टीयरको रुपमा परिचालन गर्न सकिने गरी काम भएको उनले बताए । प्रदेश सरकारले प्राकृतिक विपद् कोषको लागि ७ करोड र सामाजिक विकास मन्त्रालयले १ करोड वजेट विनियोजन गरेको जानकारी दिदै मन्त्रि बरालले औषधी उपचार र राहतको लागि आवश्यक प्रवन्ध मिलाई सकेको बताए ।
प्रदेश नं ५ का तराईका ६ जिल्लामा वाढी तथा डुवान र पहाडका ६ जिल्ला पहिरोको जोखिम रहेको बताए । उनले प्राकृतिक प्रकोपमा परेकाहरुलाई उद्धार गर्नको लागि जिल्ला र स्थानिय तहमा आर आर टि गठन गर्ने निर्देशन दिए । वैठकमा सामाजिक विकास मन्त्रालय स्वाथ्य सेवा महाशाखाका प्रमुख डा उमाशंकर प्रसाद चौधरीले विश्वमा नेपाल भूकम्पमा ११ स्थान, वाढी पहिरोको ३० औ स्थानमा रहेको बताए । कार्यक्रमा सचिव पुष्करराज पन्थले विपद व्यावस्थामा सरकार र गैर सरकारी संघ संस्थाको समन्वय आवश्यक पर्ने बताए । बैठकमा डब्लु एच ओ प्रतिनिधी डा. प्रियंका श्रेष्ठ लगायतले वोलेका थिए ।