खोज

समाजका लागि जीवनभर महत्वपूर्ण योगदान गरेको भन्दै रोल्पाका विभिन्न स्थानीय सरकारहरुले जेष्ठ नागरिकहरुलाई सम्मान गरेका छन । त्रिवेणी गाउँपालिका २ नुवागाउँले ७० वर्ष माथिका १ सय वढी जेष्ठ नागरिकलाई कम्मल वितरण गरेको छ । वडाध्यक्ष कविराज वुढाले जेष्ठ नागरिकहरुलाई सम्मान गर्दै १÷१ थान कम्मल हस्तान्तरण गरेको वडा कार्यालयले जानकारी दिएको छ ।
जाडो मौसममा जेष्ठ नागरिकलाई कम्मल महत्वपूर्ण सहारा हुने भएकाले यस्तो कार्यक्रम ल्याएका हौ त्रिवेणी गाउँपालिका २ का वडा सदस्य धनवहादुर वस्नेतले भने । जाडो मौसममा न्यानो कपडाको अभावमा अधिकांश जेष्ठ नागरिकका रातहरु कष्टपूर्ण हुने भएकाले जाडो छल्न सजिलो हवस भन्ने उद्धेश्यले कम्मल वितरण गरेका हौ वस्नेतले भने ।
थवाङ गाउँपालिका ३ मिरुलले पनि जेष्ठ नागरिकहरुलाई सम्मान गरेको छ । पुरुष जेष्ठ नागरिकहरुलाई ढाकाको टोपी र महिला जेष्ठ नागरिकहरुलाई सल वितरण गरेर सम्मान गरिएको वडा सचिव चन्द्रज्योती सुवेदीले जानकारी दिए । वडा भित्रका ७५ वर्ष माथिका ५० वढी जेष्ठ नागरिकलाई सम्मान ग¥यौ सचिव सुवेदीले भने । सम्मान पछि जेष्ठ नागरिकको मनोवल वढ्ने तथा सामाजिक प्रतिष्ठा समेत उचो हुने हुदा यस्तो कार्यक्रम रोजेका हौं वडा सचिव सुवेदीले भने ।
जिल्लामा रहेका स्थानीय तहका वडाहरुले लक्षित वर्गको कार्यक्रम अन्तरगत जेष्ठ नागरिकहरुलाई सम्मान गरेका हुन । जेष्ठ नागरिक अनुभवका खानी मात्रै नभई समाजका अभिभावक समेत रहेकाले उनीहरुको सम्मान गरिएको स्थानीय सरकारका प्रतिनिधिहरुले औल्याएका छन । जीवन कालमा समाजका लागि लामो योगदान गरेका कारण उनीहरुलाई सम्मान गर्ने परम्पराको थालनी गरेको उनीहरुले वताएका छन ।
यता रोल्पा नगरपालिकाले भने जेष्ठ नागरिकका लागि कुनै वजेट उपलव्ध नगराउदा केही वर्ष यता संचालनमा रहेको जेष्ठ नागरिक दीवा सेवा केन्द्र नै वन्द हुने अवस्थामा पुगेको जेष्ठ नागरिकहरुले वताउका छन । स्थानीय सरकार आफैले वजेट विनियोजन गरि सेवा केन्द्र निरन्तरता दिनु पर्नेमा माथिवाट आएको वजेट समेत विभिन्न वहानामा फर्काउने काम गरियो जेष्ठ नागरिक जिल्ला संघ रोल्पाका अध्यक्ष तेजराज आचार्यले भने । जिल्ला विकास समिति लगायत विभिन्न निकाय संग समन्वय गरि स्थापना गरिएको सो केन्द्र वजेट अभावले वन्द गर्नु पर्ने अवस्था आएको आचार्यले वताए ।
जेष्ठ नागरिकहरुले आफ्नो उमेरका दौतरी संग वसेर कुराकानी गर्ने, भजन किर्तन गर्न तथा धार्मिक पुस्तकहरु पढ्न मन पराउने हुदा सवै स्थानीय तहको केन्द्रमा जेष्ठ नागरिक दीवा सेवा केन्द्र स्थापना गर्नु पर्ने अध्यक्ष आचार्यको सुझाव छ । संघीय सरकारले जेष्ठ नागरिक मन्त्रालय समेत स्थापना गरेको भए पनि स्थानीय सरकारहरुले भने लक्षित वर्गको वजेट समेत जेष्ठ नागरिकहरुमा खर्च गर्न कन्ज्यूस्याई गरेको आचार्यले आरोप लगए ।
जेष्ठ नागरिकको सम्मान कार्यक्रम औपचािरकतामा मात्रै सिमित रहेको अध्यक्ष आचार्यले प्रतिकृया दिए । व्यवस्था परिवर्तन संगै जेष्ठ नागरिकले पनि फरक अनुभूती गर्नु पर्नेमा परम्परालाई निरन्तरता दिने काम मात्र भएको छ आचार्यले भने । केही वडाहरुले वजेट विनियोजन गरेर जेष्ठ नागरिकको सम्मान गरे पनि अधिकांश स्थानीय तहले लक्षित वर्गको सो वजेट जेष्ठ नागरिकका लागी खर्च नगर्नु दुखद रहेको आचार्यको भनाई छ ।