खोज

कर्णाली स्पोटर्स क्लब जुम्लाका धावक दुर्गा बहादुर बुढाले बुधबार भैरहवामा १२ के दौड (१२ किलोमिटर दौड) को उपाधि जितेका छन् ।
विश्व पोलियो दिवसको अबसर पारेर भैरहवामा क्रियाशिल ३ रोटरी क्लबहरू रोटरी क्लब अफ लुम्बिनी सिद्धार्थनगर, रोटरी क्लब अफ सेन्ट्रल लुम्बिनी र रोटरी क्लब अफ भैरहवाको संयुक्त आयोजनामा भएको भएको प्रतियोगितामा २६ बर्षिय बुढाले निर्धारीत दुरी ३४ दशमलब ०३ सेकेण्डमा पुरा गर्दै १२ के दौड भैरहवाको उपाधि जितेका हुन् । उनले उपाधि संगै नगद ५१ हजार रूपैयाँ पुरस्कार समेत प्राप्त गरेका छन् । हाफ म्याराथन मुनिको लामो दौडमा यो पुरस्कार नेपालकै सर्बाधिक नगद पुरस्कार हो । बुढाले यस अघिको २०१७ को नेपालगन्ज म्याराथनको उपाधि बिजेता समेत हुन् ।
त्यस्तै गरी सप्तरी राजबिराजका युबा धाबक अजित कुमार यादब दोश्रो भएका छन् । यस अघि राष्ट्रिय धावकका रूपमा १५ सय र ५ किलोमिटर दुरीको दौड दौडदै आएका यादबले पहिलो पटक १२ किलोमिटर दौड मा सहभागिता जनाएकोमा पहिलो सहभागीमै भएका निर्धारीत दुरी ३४ मिनेट ९ सेकेण्डमा पुरा गर्दै दोश्रो स्थानमा आएका थिए ।
उनले नगद २१ हजार रूपैयाँ पुरस्कार प्राप्त गर्न सफल भए । त्यस्तै बाग्लुंग ढोरपाटनका तिर्थ पुनले निर्धारीत दुरी ३४ मिनेट ४२ सेकेण्डमा पुरा गर्दै तृतिय स्थान प्राप्त गरेका छन् । पुन एक हप्ता अघि गोर्खा लिगलिग म्याराथनमा दोश्रो स्थानमा आएका खेलाडी हुन् । उनले ११ हजार रूपैया प्राप्त गरे ।
बिजेता सबै खेलाडीहरूलाई म्याराथमा दक्षिण एसियाका किर्तिमान धारी खेलाडी तथा ओलम्पियन बैकुण्ठ मानन्धर, रोटरी क्लब अफ लुम्बिनी सिद्धार्थनगरका अध्यक्ष जितेन्द्र नाथ शर्मा, रोटरी क्लब अफ सेन्ट्रल लुम्बिनीका कार्यबाहक अध्यक्ष प्रेम राज शर्मा, रोटरी क्लब अफ भैरहवाका अध्यक्ष सञ्जिब शर्मा रेग्मी, प्रतियोगिता संयोजक तथा रोटरी भैरहवाका सस्थापक अध्यक्ष राजकुमार गुप्ता, रोटरी ईन्टरनेशनलका यस क्षेत्रका असिसटेन्ट गभर्नरद्वय खिम बहादुर काकि लागयतले पदक, प्रमाणपत्र र नगद पुरस्कार प्रदान गरेका थिए ।