खोज

सितल चौतारीको आयोजनामा बुटवलमा भएको ‘सितल चौतारी बार्षिक उत्सव विशेष रचना बाचन तथा गजल प्रतियोगीता–२०७५’ को उपाधी धुब्रराज पन्थी (मिराज) ले जितेका छन् ।
बुटवलको न्यु होराईजन आवाशिय माविमा भएको प्रतिष्पर्धामा गणेश खनालको गजल द्वितीय भयो भने तृतीय पारस राग्दी मगर भए । यस्तै सान्त्वना स्थानमा ईन्दु पाण्डेले चित्त बुझाईन । कार्यक्रममा बरिष्ठ गजलकार बुँद राना, होराईजन साहित्य परिषद्का अध्यक्ष हरि प्रसाद पौडेल, तिल चौतारीयाका अध्यक्ष हेमन्त खड्काले संयुक्त रूपमा पुरस्कार प्रदान गरेका थिए ।
कार्यक्रममा बरिष्ठ गजलकार बुँद रानाले गजल बाचन संगै युवा पिँढीहरूमा गजल जोगाउनुपर्ने दायित्व आएको धारणा राखेका थिए । उनले भने–‘अबको युवा पिँढीले नै हो साहित्यको जगर्ना गर्ने, यसमा सबैको साथ र सहयोग आवश्यक रहेको छ ।’ कार्यक्रममा साहित्यकार सुरेस सत्यालले गजल बाचन गर्नुको साथै गजलको महत्वको विषयमा प्रकास पारेका थिए । कार्यक्रममा न्यु होराईजन आवासिय माविका उपप्राचार्य बालकृष्ण खनाल, राजेन्द्र कुमार आचार्य, सुर्जन तिवारी, गुरूप्रसाद कुमाल (बुलबुल), छविलाल कोपिला, मिन बहादुर राना, आकास थापा लगायतले शुभकामना मन्तव्य राखेका थिए । लुम्बिनी बाङ्मय प्रतिष्ठानका सचिव कृष्ण घिमिरे (गाउँले) र न्यु होराईजन साहित्य परिषद्का अध्यक्ष हरि प्रसाद पौडेल निर्णायक रहेको गजल प्रतियोगीतामा विभिन्न साहित्यकारहरूले आ आफ्नो रचना बाचन गरेका थिए । गजलकारहरू जिएसएम खनाल, देवकी लामिछाने, सिद्धार्थ देवकोटा कविहरू सागर केसी, सुमिना अभिलासी, विनोद खत्री लगायतले आ–आफ्नो रचना बाचन गरेका थिए ।à