खोज

भगवती जात्रा अवलोकनका लागि रामपुरदेखि तानसेन आएका विनोद रानाले तानसेनको एक होटलमा खाना खाए । खाना खाएको केही समयमै उनलाई नराम्रोसँग पेट काट्यो त्यस बापत उनले झण्डै दुई सय रूपैयाँको औषधी खानु परेको बताए । स्वास्थ्य उपचारका क्रममा पत्ता लाग्यो खानामै गड्बडी भएको । राना त एक प्रतिनिधि पात्र मात्र हुन् । तानसेनका अधिकांस होटलहरूमा बासी खाना, तरकारी र मासु जस्ता खाद्य वस्तु विक्रि हुनु, भने नयाँ र नौलो विषय होइन । विनोद जस्ता दैनिक सयौं व्यक्ति यसरी अस्वस्थ खानामा ठगिएका छन् ।
नगरपालिका, उद्योग वाणिज्य संघ, जिल्ला प्रशासन, जिल्ला प्रहरी, घरेलु कार्यालय, खाद्य तथा गुण प्रविधि कार्यालय सम्मिलित प्रतिनिधि, उपभोक्ता मञ्च सहितको टोलीले होटल तथा रेष्टुरेण्टको अनुगमन गर्नुपर्ने भएपनि त्यसो हुन नसक्दा होटल व्यवसायीले आमउपभोक्ताको स्वास्थ्य माथी खेलवाड गरेका हुन् ।
तानसेनमा बिक्रीका लागि राखिएका खाद्य पदार्थ एक दिनमा बिक्री नभए बाँकी रहेका खाद्यवस्तु फ्रिजमा राख्ने र अर्को दिन विक्रि गर्ने चलन रहेको छ । तर पटकपटक विद्युत् सेवा अवरुद्ध हुँदा फ्रिजमा राखिएका वस्तु सड्ने अवस्थामा पुग्दछन् । सडेका वस्तु होटल व्यवसायीले फ्याँक्नुको सट्टामा यसरी अर्को दिन ग्राहकलाई विक्रि गर्ने गर्दछन् । यसरी विक्रि गर्ने होटल तता रेष्टुरेन्टहरू स–साना मात्र होइनन् ? ठूला लगानीमा सञ्चालित र राजनैतिक, प्रशासनिक, उच्च पदस्त व्यक्तिले खाजा, खाना, र बास बस्ने होटल तथा रेष्टुरेन्टमा समेत बासी खाने कुरा बिक्री हुँदै आएको छ । यसअघि सञ्चार माध्यमहरूमा बजार अनुगमन नहुँदा उपभोक्ता मर्कामा शिर्षकका समाचार आएपछि केही दिन अगाडि जिल्ला प्रशासन कार्यालयको नेतृत्वमा भएको अनुगमन कर्मकाण्डी रूपमा पसलहरूको मात्रा अनुगमन गरिएको थियो । नियमित रूपमा अनुगमन नभएका कारण होटल तथा रेष्टुरेन्टहरूमा मात्र नभई मासु पसलहरूमा समेत व्यवसायीहरूले उपभोक्ताको स्वास्थ्य माथी खेलवाड गरिरहेको स्थानीय बासिन्दाहरूको गुनासो रहेको छ । स्थानीय जनताको गुनासो र दबाबका कारण बजार अनुगमन गर्ने त्यो पनि प्रमुख पर्वहरू नजिकिएको अवस्थामा मात्र पसलहरू अनुगमन हुने गर्दछन् । तर बजार क्षेत्रमा होटल रेष्टुरेन्टको अनुगमन भने विगत ४ वर्ष यता नभएको एक होटल व्यवसायीले स्विकार गरे ।