खोज

भैरहवा, ८ भदौ । भैरहवा भन्सार कार्यालयले मायादेवी गाउंपालिका वडा ४ प्रकटेश्वर मन्दिर जाने स्थानबाट चिनी र सुट सहित करिब ८ लाख बराबरको अबैध सामान बरामद गरेको छ । ग २ ख १२९० नं . गाडीमा लोड गरेको अबस्थामा बिहान २ बजेको समयमा २ सय बोरा अबैध चिनी, २ सय १० पिस लेडिज सुट अबैध मात्रामा ल्याइ, बिल बिजक नभएका सामान बरामद गरिएको भैरहवा भन्सार कार्यालयका प्रमुख भन्सार अधिकृत नारद गौतमले बताए ।

दर्जनौं सुरक्षा चेक जांच स्थान छलेर तस्करहरुले सामान ओसारपसार गरिरहेका बेला भैरहवा भन्सार कार्यालयले अबैध, भन्सार छलिका सामान पक्राउ गर्न सफल भएको स्थानीय अगुवाले बताए ।

विशेष सुचनाका आधारमा सशस्त्र प्रहरी डण्डाको सुरक्षामा भन्सार कार्यालयले गाडी सहित बरामद गर्न सफल भएको हो । सामानको मुल्यांकन ८ लाख गरिएको र गाडीको थप अध्ययन अनुसन्धान भइरहेको भन्सार कार्यालयले जनाएको छ ।

भैरहवा भन्सार कार्यालय रुपन्देहीमा अबैध मात्रामा तस्कर भइरहेको सुचनाका आधारमा दर्जनौं अबैध सामान बरामद गर्न सफल भएको छ ।
रुपन्देहीमा भन्सार कार्यालयले सुरक्षा घेरा छलेर ल्याइएका अबैध सामान गोदाममै पुगेर बरामद गर्ने गर्दा तस्करहरुको मनोबल समेत घटिरहेको भैरहवा बासी बताउंछन ।