खोज

पोषणको अवस्थामा सुधार ल्याउने भन्दै रोल्पामा गर्भवती महिला र हजार दिनका वच्चाका आमाहरुलाई निशुल्क वाख्रा वितरण गरिएको छ ।
वहुक्षेत्रीय पोषण कार्यक्रमको सहयोगमा जिल्लाको माडी गाउँपालिका वडा नं.२ र ५ का ५० गर्भवती महिला र हजार दिनका वच्चाका आमाहरुलाई वाख्रा वितरण गरिएको वताइएको छ । सुनौला हजार दिनमा पोषणको अत्यधिक महत्व हुने भन्दै गर्भवती महिला देखी शिसु जन्मेको २ वर्ष नपुगेकी महिलाहरुलाई एक एक वटा वाख्रा वितरण गरिएको माडी गाउँपालिकाका पशु प्राविधिक चेतन विक्रम पुनले जानकारी दिए । ग्रामीण वस्तीमा गरिवीका कारण पोषणयुक्त खाना जुटाउन नसक्ने भएकाले वाख्र्रावाट आय आर्जन गरि पोषिलो खाना खाने कुरामा प्रोत्साहन गर्न यस्तो कार्यक्रम संचालन गरेका हौ पुनले भने । जिल्लामा वाख्रापालनका लागि उपयुक्त हावापानी र चरण क्षेत्र रहेकाले स्थानीय समुदायकै रोजाई अनुसार वाख्रा वितरण गरेका हौ पुनले भने । हरेकको भकारोमा एउटा वाख्रा पाल्न समस्या नहुने तथा छिटो प्रतिफल पनि दिने भएकाले वाख्रा छनौटमा परेको हो पुनले भने । वाख्रावाट उत्पादीत पाठापाठी विक्री वितरण गरेर हरियो सागपात, तरकारी, पहेला फलफुल, दुध ,अण्डा जस्ता पोषणयुक्त खाना जुटाउन सहज हुने पुनको भनाई छ ।
नेपाल सरकारद्धारा संचालित वहुक्षेत्रीय पोषण कार्यक्रमको करिव ४ लाख ५० हजार लगानीमा उनीहरुलाई वाख्रा वितरण गरिएको वताइएको छ । आगामी वर्ष गाउँपालिकाका सवै वडाका हजार दिनका आमा र गर्भवती महिलाहरुलाई क्रमशः वाख्रा वितरण गरिने पशु प्राविधिक पुनले जानकारी दिए । जिल्लाका अन्य गाउँपालिकामा समेत हजार दिनका आमा र गर्भवती महिलाहरुलाई कुखुरा वंगुर, वाख्रा वितरण गरिएको जिल्ला समन्वय समिति द्धारा संचालित वहुक्षेत्रीय पोषण कार्यक्रम रोल्पाले जानकारी दिएको छ ।
रोल्पामा कुपोषणका कारण उमेर अनुसार तौल र उचाई नवढ्ने समस्यावाट वालवालिकाहरु प्रभावित हुने गरेका छन । गरिवीका कारण कुपोषणको चक्रमा फस्दै आएका उनीहरुलाई सरकारी तथा गैर सरकारी निकायले उपलव्ध गराउने सहयोग र सचेतनाले जिल्लाको पोषण सुधारमा सहयोग पुग्ने अपेक्षा गरिएको छ । गरिवीका कारण छाक टार्न समस्या भोगिरहेका अभिभावकहरुले वालवालिकाको पोषणमा ध्यान दिन नसक्दा समस्या झन जटिल वन्दै गएको जानकारहरु वताउनछन । कुपोषणकै कारण जिल्लामा हरेक वर्ष सयौं वालवालिका प्रभावित हुने गरेका छन ।