खोज

अर्घाखाँची, ८ चैत । जिल्लाको पाणिनी गाउँपालिका वडा नं. २ पोखराथोकका कृषक लोकबहादुर रसाईलीले भोटे कुकुर पाल्ने योजना बनाए । भोटे कुकुर रहरका लागि पाल्न खोजेका होईनन्, बाँदरले दुः ख दिएपछि बादँर धपाउन भोटे कुकुर पाल्ने योजना बनाए ।
वडा कार्यालयले ७५ प्रतिशत अनुदान दिनेगरी भोटे कुकुर कृषकलाई दिने निवेदन आव्हान गरेसँगै रसाईलीले वडामा पुगेर निवेदन दिए । निवेदनकै आधारमा उनलाई भोटे कुकुर पाउने कृषकको रूपमा वडाले छनोट ग¥यो । छनोट भएपछि बुधबार वडा कार्यालयबाट रसाईलीले अनुदानको कुकुर पाए । वन्यजन्तुबाट खेतीबाली जोगाउन कृषकलाई भोटे कुकुर वितरण गर्ने योजना वडाले ल्याएको हो । पाणिनी गाउँपालिका –२ पोखराथोकमा कृषकको मागकाआधारमा शुद्ध नश्लका ९ वटा भोटे कुकुर वितरण गरिएको वडा अध्यक्षचन्द्रकान्तपौडेलले बताए ।

बाँदर,बँदेल,दुम्सीलाग्ने क्षेत्रका सबै गाउँ समेटिने गरी कृषककै मागकाआधारमाभोटे कुकुर वितरण गरिएको हो । बाँदर लागेर खेतीपाती जोगाउन मुस्किल भएका तथा बन्यजन्तुबाट हैरानीखपेका कृषकहरू पनिभोटे कुकुर पाएपछि खुशीभएको कृषक मेघनाथ गैरेले बताए ।
पोखराथोकका कृषक भाष्करराजपौडेल र धनबहादुर घर्तीले श्रोत केन्द्र स्थापनागर्ने उद्देश्यले कुकुर–कुकुरनीपालन गर्ने योेजना बनाए । सोही अनुसार वडाले उनीहरूलाई जोडी कुकुर दिएको छ । ‘खेतीपाती तथा फलफूल जोगाउन मुस्किल थियो, बाँदर तथा बन्यजन्तुले हैरानी दिएका थिए, भोटे कुकुर पाएपछि खुशी भएका छौं, आगामी वर्ष सम्ममा यहाँ नै भोटे कुकुर उत्पादन गछौँ, भाष्करले भने ।’

कृषकहरूको २५ प्रतिशत र वडा कार्यालयको ७५ प्रतिशतलागत सहभागीतामा भोटे कुकुर वितरण गरिएको छ । वडा अध्यक्षसहित पाणिनी गाउँपालिकाको कृषितथापशु शाखाकाप्राविधिकहरूले धादिंगभोटे कुकुर क्लबअफ नेपाल, पोखरा महानगर पालिकाको वडा नम्बर २१को भोटे कुकुर अफ नेपाल र माछापुच्छे« गाउँपालिकाबाट खरिद गरेका कुकुर कृषकलाई वितरण गरिएको हो।सबै डाक्टरी रिपोर्ट, डिएन ए चेक समेत गरेर कुकुर ल्याइएको पाणिनी गाउँपालिका पशु शाखाका कर्मचारी कृष्ण घिमिरेले बताए । ४० देखि ६० दिन सम्मका कुकुरहरूको खरिद मुल्यप्रति कुकुर ३५ हजार रहेको छ । कृषकहरूले ३५ हजारको २५ प्रतिशतअर्थात ८ हजार ७ सय ५० रूपैयामा शुद्ध नश्लका भोटे कुकर पाएका छन् । वडाकार्यालयको करिब २ लाख ४० हजार र कृषकहरूको ८० हजार लागत सहभागितामा कुकुर वितरण गरिएको हो ।

बादर बदेल जस्ता बन्यजन्तुले सताउन थालेपछि अर्घाखाँची सहित पहाडि जिल्लाकामानिसको बढ्दो बसाइसराइ रोक्न यो कार्यक्रमप्रभावकारी हुने अपेक्षा रहेको गाउँपालिकाका प्रमुखप्रशासकीय अधिृकृत रोमनाथ न्यौपानेले बताए । अर्घाखाँचीका अधिकांस क्षेत्रमा बाँदर, बँदेल, दुम्सी जस्ता बन्यजन्तुले खेतीबाली सखापपारेपछि कृषकहरू चिन्तितबनेका छन् । वन्यजन्तुबाट खेती जोगाउन गरेको कुकुर वितरण कार्यक्रम नेपालकै सबै स्थानीय तहमा पहिलो भएको पाणिनि गाउँपालिकाको दाबी छ ।