खोज

रातभर निषेधाज्ञा गरेको तुलसीपुर उपमहानगरपालिकामा समुदायस्तरमा कोरोना देखिएको छ । तुलसीपुर उपमहानगरपालिका भित्रका ४ जना समुदायमा रहेका मानिसहरुका कोरोना संक्रमण देखिएको हो ।

उपमहानगरपालिकाका १ जना स्वास्थ्यकर्मी, कन्ट्याक्ट टे्सिङ्गका आधारमा चेकजाँच गरिएका घरमै बसेका १ जना, काठमाडौबाट आएर होम क्वारेन्टाइनमा बस्दै आएका १ जना र अर्का एकजना सरकारी कार्यालयका चालकमा कोरोना संक्रमण देखिएको तुलसीपुर उपमहानगरपालिकाका कोभिड फोकल पर्सन विमल केसीले जानकारी दिए ।

केसीका अनुसार अन्य क्वारेन्टाइनमा रहेका ३ जनामा पनि कोरोना संक्रमण देखिएको छ । यो सहित सोमबार तुलसीपुरमा ७ जनाको कोरोना पोजेटिभ आएको छ । क्वारेन्टाइनमा बसेका र समुदायस्तरका अन्य ९६ जनाको भदौ ७ गते स्वाब संकलन गरिएको थियो ।

त्यस्तै यसअघि घोराहीमा पनि समुदायस्तरमा कोरोना भेटिएको थियो । कर्णाली विकाश बैङ्कका १ जना कर्मचारी र लक्ष्मि बैङ्क ३ जना कर्मचारीमा कोरोना भेटिएसंगै घोराहीमा पनि समुदायमा संक्रमण फैलिएको हो । समुदायस्तरमा कोरोना रिपोर्ट पोजेटिभ आएपछि उपमहानगरपालिकामा आपतकालिन बैठक बसेको छ । नगरप्रमुख घनश्याम पाण्डेको अध्यक्षतामा बसेको बैठकले तत्काल कोरोना परिक्षणको दायरा वढाउने निर्णय गरेको छ । यसका साथै संक्रमण देखिएका कार्यालयहरु पूर्णरुपमा शिल गर्नका लागि सम्वन्धित निकायसँग पहल गर्ने निर्णय गरेको छ । “तुलसीपुर इलाका प्रशासन कार्यालयका चालकमा कोरोना संक्रमण पोजेटिभ आएकाले कम्तीमा पनि ७ दिनसम्म कार्यालय सिल गर्ने भन्ने विषयमा प्रमुख जिल्ला अधिकारीसँग कुरा भएको छ” नगरप्रमुख पाण्डेले भने ।

उनले वडा नम्वर ११ को बेलटाकुरामा रहेको स्वास्थ्य चौकीका कर्मचारीमा पनि कोरोना देखिएपछि उक्त कार्यालय पनि सिल गरिने जानकारी दिए ।
यसैविच तुलसीपुर उपमहानगरपालिकाले ठूलो परिमाणमा सामुदायस्तरमा कोरोना परिक्षण गर्ने भन्ने निर्णय भएको नगरप्रमुख पाण्डेले जानकारी दिए । “अहिलेलाई तत्काल कन्ट्याक्ट टे«सिङ्ग र सामुदायिक स्तरमा धेरै संख्यामा परिक्षण गरिने छ त्यसपछिको नतिजा अनुसार काम हुन्छ” पाण्डेले भने । उनले समुदायमा कोरोना परिक्षणको प्रक्रिया तत्काल अगाडि वढाइएको बताउदै संक्रमणको अवस्था हेरेर लकडाउनको अवस्थामा पनि हेरेफेर गरिने वताए । जोखिम बढ्दै गएकाले अत्यावश्यक काम बाहेक घरमै वसिदिन समेत मेयर पाण्डेले सबैलाई अनुरोध गरेका छन् । वडा कार्यालयदेखि सबै सरकारी कार्यालयहरुमा पनि संवेदनशिलता अपनाउन उनले अनुरोध गरे ।

यसैविच तुलसीपुरमा युवाहरुले मौन प्रर्दशन गरेका छन् । प्रदर्शनकारीले सबैको पिसिआर चेकजाँच गर्न र लकडाउन प्रभावकारी बनाउन माग गरेका छन् । विभिन्न नारा लेखिएका प्लेकार्ड बोकेका युवाहरुले कि पुरै लकडाउन गर, हैन भने बेलुकी ७ बजेदेखि विहान ५ बजेसम्मको लकडाउन पनि हटाउ भन्ने खाले सन्देश दिने प्लेकार्ड बोकेर प्रदर्शन गरेका थिए । युथ अफ तुलसीपुरका एडमिन अरुण लहरेले बेलुका ७ बजेदेखि विहान ५ बजेसम्म मात्रै गरिने लकडाउनको औचित्य नरहेको बताए । “के रातिमा मात्रै कोरोना भाइरस सर्ने हो र, कि पुरै लकडाउन गरियोस हैन भने रातिमा मात्रै नगरियोस भन्ने हाम्रो माग हो” लहरले भने ।

प्रदर्शनकारीहरुले भ्रष्टचार अनियमितताको विरोध हुने खाले प्लेकार्ड मात्रै मात्रै हैन ‘हेलो सरकार सम्धी खै’ भन्ने खालका प्लेकार्ड पनि बोकेका थिए