खोज

रुपन्देहीको सिद्धार्थ जेसिजमा अध्यक्ष पदमा चरम विवाद छताछुल्ल भएको छ । एक पक्षले साधारण सभाबाट अध्यक्ष भएको र अर्को पक्षले उमेरमा दाबी बिरोध गरेका कारण आफु स्वतः अध्यक्ष भएको दाबी गरेका कारण विवाद बढ्दै गएको हो ।

७६ साल माघ ४ गते ४४ औँ वार्षिक साधारण सभा तथा अधिवेशनमा दुई अध्यक्षको उम्मेदवारी परेर निर्वाचन समितिले मंगल भण्डारीलाई अध्यक्ष घोषणा गरे पछि अर्का अध्यक्षका प्रत्यासी भुवन राणाले उमेर बढी भएका कारण दाबी बिरोध गरे पछि विवाद छताछुल्ल भएको पाइएको छ ।

जेसिजको बिधानमा ४० वर्ष उमेर कटेको अध्यक्ष बन्न नपाउने नियम भएका कारण आफूले दाबी बिरोध गरेको हुँदा अन्य अध्यक्षको प्रत्यासी नभएका कारण आफू स्वतः अध्यक्ष भएको भुवन राणा बताउँछन् । नेपाल जेसिजको संचालक समितिको दोस्रो बैठकमा सो समितिले निर्वाचन प्रक्रियामा अर्का उम्मेदवारले उमेर हद नाघेकाले अध्यक्ष पदका लागि अयोग्य घोषित गरि दाबि बिरोधको प्रक्रिया सम्म निर्वाचन बैधानिक रहेको तर दाबी बिरोध पश्चातको निर्वाचन अबैधानिक रहेको राणाले दाबी गरेका छन् ।

दाबी बिरोधको प्रक्रियाबाट अंघि बढ्नुपर्ने प्रतिबेदन पेश गरे पश्चात संचालक समितिले निर्णयको सम्पूर्ण अधिकार सर्व सम्मतरुपमा नेपाल जेसिज सचिवालयलाई प्रत्यायोजन गरेको राणाले जानकारी गराएका छन् ।

कुनैपनि पदमा एकजना मात्र उम्मेदवार भएको खण्डमा त्यस्तो उम्मेदवारलाई निर्विरोध निर्वाचित घोषणा गरिनेछ भन्ने ब्यवस्था अनुरुप नेपाल जेसिजबाट सिद्धार्थ जेसिजको विषयमा सिद्धार्थ जेसिज वर्ष २०२० को अध्यक्षको पदका लागि भुवन राणा नेपाल जेसिजले बैधानिकता प्राप्त गरेको दावी गरेका छन् ।
२०१८ सिद्धार्थ जेसिजको अध्यक्ष तथा २०१९ को नेपाल जेसिजको राष्ट्रिय उपाध्यक्ष भएका कमल भण्डारीले उमेर हद भएका कारण अध्यक्षका प्रत्यासी भुवन राणानै सिद्धार्थ जेसिजको अध्यक्ष भएको दाबि गर्छन । उनले भने, अर्का अध्यक्षका प्रत्यासि मंगल भण्डारी उमेर ४० वर्ष भन्दा माथि भएका कारण अध्यक्ष हुन सक्दैन तसर्थ स्वतः अध्यक्ष भुवन राणा नै हो ।

साधारण सभाका अध्यक्षका प्रत्यासी भुवन राणाले आफु नै बैधानिक अध्यक्ष भएको दाबी गरेका छन् भने उता साधारण सभाबाट अध्यक्ष भएको र प्रमुख निर्वाचन आयुक्त डाक्टर सम्भु कुमार गुप्ताबाट अध्यक्ष भएको आधिकारीक प्रमाण पत्र पाएका कारण आफू नै अध्यक्ष भएको मंगल भण्डारी बताउँछन् । पहिलेको पनि उमरे हेरियोस म बैधानिक अध्यक्ष हो चुनाव जितेर अध्यक्ष भएका कारण म नै बैधानिक अध्यक्ष हो भण्डारीले भने ।