खोज

पोखराको लामाचौर स्थित गण्डकी बोर्डिङ्ग स्कूलका पूर्व विद्यार्थीहरुको संगठन इग्बोसा काउन्सिलको तर्फबाट बुटवल उपमहानगरपालिका वडा नं. १२ मा बसोवास गर्ने अतिविपन्न घरपरिवारलाई राहतस्वरुप खाद्यान्य वितरण गरेका छन् । संस्थाले वडाका मदननगर टोल, सिस्नेप्लेट टोल र राजपुर टोल गरी ५० जनालाई सहयोग गरेको हो ।

स्कूलबाट पासआउट भएर स्वदेश तथा विश्वका विभिन्न भागमा छरिएर रहेका विद्यार्थीहरुले संकलन गरी पठाएको रु १ लाख मध्ये रु ८७ हजार रकम बराबर प्रतिपरिवार २५ किलो चामल, दाल, नुन, खानेतेल लगायत रु १८ सय बराबरको खाद्य सहयोग उपमहानगरपालिकाको वडा नं. १२ मा वितरण गरिएको हो ।

कार्यक्रममा संस्था तथा कार्यक्रमको उद्देश्य बारे सोही स्कूलमा पूर्व विद्यार्थीहरु दीपक विश्वकर्मा (छविलाल) र सुदर्शन पौडेलले प्रकाश पारेका थिए । कार्यक्रममा वडा नं. १२ का अध्यक्ष दुर्गा सुवेदी, पुर्व विद्यार्थीहरु सुवास प्रधान, ओमकार ज्ञवाली, महेन्द्र श्रेष्ठ, नवीन शर्मा, अभिषेक श्रेष्ठ लगायतको उपस्थिति रहेको थियो । स्थानीय बुद्धिजीवी ईश्वरी प्रसाद आचार्य, संयोजक तीलबहादुर रोका, जीतबहादुर थापाले लगायतले बोलको थिए ।

त्यसैगरी संस्थाले बुटवल उपमहानगरपालिका वडा नं ४ का ४ विपन्न परिवारलाई रु. ७ हजार दुई सय बराबरको खाद्यान्न सहयोग गरेको छ । संस्थाले पठाएको रु १ लाख मध्ये उपरोक्त खर्च कटाई बचेको रकमबाट गुल्मी शान्तिपुर घरभई देवीनगर धौलागिरी पथमा डेरागरी मिर्गोला डायलिस गराइरहेका दुबै मिर्गोला पीडित लालबहादुर विश्वकर्मालाई नगद रु ३८ सय २५ र रु १८ सय बराबरको खाद्यवस्तु सहयोग गरेको छ ।

निज लालबहादुर विश्वकर्मालाई जीतगढी राइस मिलका प्रोप्राइटर ध्रुबप्रसाद श्रेष्ठले समेत खाद्य सहयोग गरेका छन् । उनले प्रदान गरेको २५ किलो चामल समेत संस्थाले विश्वकर्मालाई हस्तान्तरण गरेको छ ।