खोज

गैँडहवा गाउँपालिकामा वर्षाका कारण घर भत्केर बिचल्ली भएको परिवारलाई रुपन्देहीका सामाजिक संस्थाहरुले सहयोग गरेका छन् ।

रुपन्देही जिल्लाको गैँडहवा गाउँपालिका वडा नम्बर ४ बस्ने कान्ती गुप्ताको घर अबिरल वर्षका कारण यहि असार २० गते भत्कीएको थियो । पौवा सुकुम्बासी टोलमा घर भएकी गुप्ता एकल महिला तथा बिपन्न भएका कारण नमुना एकिकृत विकास परिषद र नेपाल रेडक्रस सोसाइटि रुपन्देहीले सहयोग सामाग्री उपलब्ध गराएको नमुना एकिकृत विकास परिषदकि अध्यक्ष ज्ञानु पौड्यालले बताइन ।

गुप्ता एकल महिला तथा अपांग समेत हुन् उनको परिवारमा ३ बच्चा सहितको परिवारलाई कपडा बच्चालाई र महिलालाई, कम्मल, त्रिपाल, भांडाहरु, ड्राइ खाना लगायत दैनिक उपभोग्य सामान समेत गैँडहवा गाउँपालिका वडा नम्बर ४ मा गुप्ताको परिवारलाई हस्तान्तरण गरिएको परिषदका अध्यक्ष ज्ञानु पौड्यालले जानकारी दिइन ।

पालिकाको समेत सहभागितामा भएको सहयोग हस्तान्तरणमा गाउँपालिकाका उपाध्यक्ष शोभावति गुप्ताले घर बनाउन टिनको पाता सहयोग गर्ने प्रतिबद्धता ब्यक्त गरेकि छिन् ।

सहयोग हस्तान्तरणमा नमुना एकिकृत विकास परिषदकि अध्यक्ष ज्ञानु पौड्याल सहित गैँडहवा गाउँपालिकाका अध्यक्ष बच्चुलाल केवट, उपाध्यक्ष शोभावति गुप्ता, प्रख्यात बञ्जाडे लगायतको सहभागिता रहेको थियो ।