खोज

प्रदेश नं ५ मा प्रदेश बिकास परिषद गठन भएको छ ।
प्रदेश मन्त्रि परिषदको वैठकले मुख्यमन्त्रि शंकर पोखरेलको संयोजकत्वमा बिकास परिषद गठन गर्ने निणर्य गरेको हो । मुख्यमन्त्रि संयोजक रहने उक्त परिषदमा समाजमा विशिष्ट योगदान पुराएको व्यक्तिहरुलाई सदस्यमा प्रदेश सरकारले मनोनित गर्ने छ भने पदेन सदस्य सहित परिषद सदस्यको संख्या ६० भन्दा वढि हुने छ ।
प्रदेश सरकारका मन्त्रिहरु, प्रदेश सरकारको मुखय सचिव, मन्त्रालयका सचिवहरु, प्रदेश सभामा प्रमुख प्रतिपक्षी दलका नेता, प्रदेश सभाका बिभिन्न समितिका सभापतिहरु, प्रदेश योजना आयोगको उपाध्यक्ष र सदस्यहरु, जिल्ला समन्वय परिषदका सभापतिहरु पदेश सदस्य रहने छन ।
त्यसै गरी प्रदेश ५ भित्र रहेका १ सय ९ स्थानिय तहका प्रमुख÷ अध्यक्षबाटबाट प्रतिनिधित्व १५ जना सदस्यहरुले गर्ने छ । राष्ट्यि जिवनमा बिशिष्ट योगदान पुर्याएका २५ जनालाई प्रदेश सरकारले सदस्यमा मनोनित गर्ने छ । परिषदले प्रदेशको योजना आयोगले तयार पारेको दिर्घकालिन वा आवधिक विकास निति वा योजनामा छलफल गरी मार्ग दर्शन गर्ने छ ।
बैठकले गुल्मी जिल्लाको रुरु गाउपालिकाको केन्द्र र नाम तथा प्युठानको झिमरुक गाउपालिकाको केन्द्र परिवर्तनका सम्वन्धमा सम्वन्धित स्थानिय तहबाट शिफारिस भई आएकोमा त्यसलाई संघिय सरकारमा शिफारिस पठाउने निर्णय गरेको प्रदेश सरकारका प्रवक्ता तथा भौतिक पुर्वाधार विकास मन्त्रि वैजनाथ चौधरीले जानकारी दिए ।
गुल्मीको रुरु गाउपालिकाको नाम रुरु क्षेत्र र केन्द्र ध्युबेसीमा सार्ने र प्युठानको झिमरुकको वडा नम्वर ५ मच्छिबाट वडा नम्वर ४ भ्यागुतेमा सार्न सिफारिस गरीएको छ ।
त्यसै गरी बैठकले भूमि व्यवस्था, कृषी तथा सहकारी मन्त्रालयले पेश गरेको स्मार्ट कृषी गाउ कार्यक्रम संचालन र कार्यविधी स्वीकृत गरेको छ । आन्तरिक मामिला तथा कानुन मन्त्रालयबाट पेश भएको प्रदेश ५वाट प्रदान गरिने विभूषण सम्वनधमा कानुनी व्यवस्था गर्न वनेको विधेयक मन्त्रि परिषदको राजनितिक समितिमा छलफलको लागि पठाउने निर्णय भएको प्रवक्ता चौधरीले जानकारी दिउ ।
सोही बैठकले फागुन ३ गते प्रदेश स्थापना दिवश बिशेष कार्यक्रम गरी मनाउने निणर्य गरेको छ । स्थापना दिवश मनाउन मन्त्रिपरिषद बैठकले आन्तरीक मामिला तथा कानुन मन्त्रि कुल प्रसाद केसीको संयोजकत्वमा व्यवस्थापन, भौतिक पुर्वाधार बिकास मन्त्रि तथा प्रबक्ता बैजनाथ चौधरीको संयोजकत्वमा प्रचार प्रसार समिति र बुटवल उपमहानगरपालिकाका प्रमुख शिवराज सुबेदीको संयोजकत्वमा प्राभातफेरी तथा स्थानीय व्यवस्थापन समिति गठन गरेको छ । यस अघि नै प्रदेश स्थापना दिवशमा प्रदेशमा सार्बजनिक बिदा दिने निणर्य गरीसकेको छ । त्यसैगरी बैठकले व्यवसायीक तथा सिप विकास केन्द्र दाङ र नेपालगंज तथा रोजगार सूचना केन्द्र बुटवलको अस्थायी दरवन्दी स्वीकृत गरी त्यहा कार्यरत कर्मचारीको २०७६ असार मसान्त सम्मको लागि म्याद थप गर्न स्वीकृती दिएको छ । व्यवसायीक तथा शिपविकास तालिम केन्द्र दाङमा १६ जना र नेपालगंजमा १३ तथा सूचना केन्द्र बुटवलमा ३ जना कर्मचारी करारमा रहेका छन ।