खोज

प्रदेश नम्बर ५ को प्रदेश सभाको हिउँदे अधिवेशन आज (बुधबार) देखि शुरु हुँदैछ । गत साउन अधिबेशन अन्त्य भएपछि ४ महिना सम्म सुरु हुन नसकेको अधिबेशन बुधवार दिउँसो १ बजे शुरु हँुदै छ ।
कानुन निर्माणमा केन्द्रित हुने अधिवेशनका लागि सरकारले १५ भन्दा बढी विधेयक स्वीकृत गरिसकेको छ भने ४ वटा विधेयक प्रदेश सभामा दर्ता गरिसकेको छ । बुधवार पहिलो दिन प्रदेश सभा सचिवालयले मंगलबार ६ बुँदे कार्यसुचि सार्बजनिक गरेको छ ।
अधिबेशनको तयारी प्रदेश सभा सचिवालयले तीब्र पारेको छ ।
कानुन निर्माणमा केन्द्रित हुने अधिवेशनका लागि सरकारले १५ भन्दा बढी विधेयक स्वीकृत गरिसकेको छ र ४ वटा विधेयक प्रदेश सभामा दर्ता गरिसकेको छ । बुधवार पहिलो दिनको बैठकमा प्रदेश नम्बर ५ जाँचबुझ आयोगको गठन तथा काम कर्तव्य र अधिकारको सम्बन्धमा व्यवस्था गर्न बनेको बिधेयक एवं प्रदेश नम्बर ५ संघ संस्था दर्ता सम्बन्धमा व्यवस्था गर्न बनेको बिधेयक पेश हुने कार्यसुचि रहेको छ ।
सोमबार बसेको कार्यव्यवस्था परामर्श समितिको बैठकले २ वटा बिधियक पेश गर्ने सहितको ६ बुदे कार्यसुचि तय गरेको छ । कार्यसूचीअनुसार १ बजे बैठक शुरु भएलगत्तै प्रदेश प्रमुख उमाकान्त झाबाट प्रदेश सभाको अधिवेशन आह्वान भएको पत्र र दोश्रो अधिवेशनबाट पारित भई प्रदेश प्रमुखबाट प्रमाणीकरण भएका विधेयकसम्बन्धी पत्रहरू सभामुख पूर्णबहादुर घर्तीले पढेर सुनाउने कार्यसुचि रहेको छ ।त्यसपछि दलको तर्फबाट प्रदेश सभाको बैठकमा प्रदेश सभा सदस्यहरूले धारणा राख्ने कार्यसुचि छ । प्रदेश सभामा प्रतिनिधित्व गर्ने सबै दलका तर्फबाट एक एक जनाले धारणा राख्ने अनौपचारिक सहमति भएको छ । बैठकमा विशेषाधिकार समितिको सभापति र प्रदेश नम्बर ५ को नामाकरण र स्थायी राजधानी सम्बन्धी विशेष समितिको संयोजक चयन गरेको सम्वन्धमा तथा विशेष समितिको प्रतिवेदन बुझाउने समय थप गरिएको सम्वन्धमा सभामुख घर्तीले सभालाई जानकारी गराउने कार्यसुचि रहेको प्रदेश सभा सचिव दुर्लभ कुमार पुन मगरले जानकारी दिए ।
यसैबीच, प्रदेश सभा सचिवालयले हिउँदे अधिबेशनको प्रदेश सभा सचिवालयले तयारी तिब्र पारेको छ । प्रदेश सभामा प्रतिनिधित्व गर्ने ५ वटै दललाई संसदीय दलको कार्यालय उपलब्ध गराउन प्रदेश सभासँगै रहेको नेपाल मानव सेवा धर्मको सभामा पार्टेसनको काम पुरा गरी फर्निसिड्ड सुरु गर्दै छ । प्रदेश सभामा प्रतिनिधित्व गर्ने सत्तारुढ दल नेकपा, प्रमुख बिपक्षी दल नेपाली कांग्रेस सहित मधेशी जनाधिकार फोरम नेपाल, राष्टिय जनमोर्चा र राष्ट्रिय जनता पार्टीलाई संसदीय दलको कार्यालय उपलब्ध गराइने छ । त्यस्तै प्रदेश सभा सदस्यहरूको अध्ययनका लागि प्रदेश सभा नजिकै रहेको महिला जेसिजको भवनमा पुस्तकालय समेत तयार गरिँदै छ । पुस्तकालयमा फर्निचरको काम सकिएको सचिवालयले छ । प्रदेश सभाको बैठक बस्ने समयमा कुनै आवश्यक छलफल गर्नुपर्ने भएका बस्नका लागि मुख्यमन्त्री शंकर पोखरेलको कार्यकक्ष प्रदेश सभा सचिवालयको भुई तलामा तयार गरीदै छ । भुई तला केही दिन अघि मात्रै प्रदेश सभालाई दिएर बुटवल उद्योग वाणिज्य संघ बालमन्दिरमा सरेको छ । त्यही भुई तलामा प्रमुख प्रतिपक्षी दलका नेताको कार्यकक्ष बनाईसकीएको छ । भुई तलाको आधा भागमा सचिवालयका बिभिन्न शाखा राखिसकिएको छ ।
नेपाली कांग्रेसका प्रदेश सभा सदस्यहरूले प्रदेश सभाको बैठकमा जनताको कुरा शसक्त रूपमा आवाज उठाउने र प्रभावकारी भूमिका निर्वाह गर्ने निर्णय गरेका छन् । मंगलबार प्रमुख प्रतिपक्षी दलका नेताको कार्यकक्षमा बसेको संसदीय दलको अनौपचारिक बैठकले जनताका आवाजलाई शसक्त उठाउने र प्रभावकारी भूमिका निर्वाह गर्ने निर्णय गरेको नेता बलदेव शर्मा पोखरेलले बताए ।
प्रदेश सभा बैठकमा पार्टीको उपस्थिति र संंसदीय दलको सचिव र कोषाध्यक्ष चयन गर्न बसेको बैठकमा सबै सदस्य उपस्थित हुन नसकेपछी बैठक अनौपचारिकमा सिमित भएको थियो ।