खोज

 भ्रष्टाचार दिवसको अवसरमा मानव अधिकार तथा शान्ति समाज, जिल्लाशाखा रूपन्देहीले ईलाका प्रशासन कार्यालयमार्फत सरकारलाई ज्ञापनपत्र बुझाएको छ । निर्वाचनको क्रममा धेरै सपनाहरू बाध्ने जनप्रतिनिधिहरू सरकारपुगेपछि आफैबाट भ्रष्टाचार गर्ने गरेको भन्दै यसको अन्त्यका लागि समाजले पहरेदारी स्वरूपवर्षभरि नै अभियान चलाईरहेको छ । आईतबार ईलाका प्रशासन कार्यालय बुटवलका प्रमुखउपसचिब सुशील बैद्यमार्फत ‘भ्रष्टाचारको वृद्धिः कुशासनकि समृद्धि ?’ ज्ञापनपत्र पठाएको हो ।
ज्ञापनपत्र बुझाउँदै मानवअधिकार तथा शान्ति समाजका केन्द्रिय वरिष्ठ उपाध्यक्ष गोबिन्द खनालले हरेक क्षेत्रमाभ्रष्टाचार बढिरहेको बताए । यसको अन्त्यका लागि ब्यक्ति स्वयंैबाट शुरुवातगर्नुपर्ने सुझाव दिँदै हरेक तहतप्कामा रहेका ब्यक्तिले ईमान्दारिता र भ्रष्ट आचरण अन्त्यको संकल्प गर्न जरुरी रहेको बताए । देशमा ठुला भ्रष्टाचारका दोषीहरूलाई दण्डित गर्नुपर्नेमा पुरस्कृत गर्ने घटनाहरू सार्वजनिकहुनु दुखद भएको भन्दै उनले छानबिन र कारवाहीलाई पारदर्शी बनाउन सरकार लाग्नुपर्ने सुझाव दिए ।
ज्ञापनपत्र बुझ्दै प्रशासनका प्रमुख उपसचिब सुशील बैद्यले भ्रष्टाचार नियन्त्रणका लागि राज्य संयन्त्र सक्रियभएर लागेको बताए । जिल्ला शाखाका अध्यक्ष डिपी खनालले प्रदेश नं. ५ भ्रष्टाचारमा सबैभन्दा अगाडी रहेको तथ्यांक सार्वजनिक हुनु लज्जास्पद भएको बताए । सरकारी कार्यालयमा सेवाग्राहीबाट भ्रष्टाचार भएको धेरै घटनाहरू सुनिने भएपनित्यो अन्त्य हुन नसकेको दुखेसो गर्दै उनले आर्थिक भ्रष्टाचारमात्र नभई समय ब्यवस्थापनका साथै धेरै प्रकारकानया भ्रष्टाचारबाट ठगिने परिपार्टी अन्त्यगर्न अभियान थाल्न जरुरी रहेको बताए । कार्यक्रममा राससका पूर्व अध्यक्ष बालकृष्ण चापागाइ, नेपाल पत्रकार महासंघ रूपन्देहीका उपाध्यक्ष निरु गौतम, सचिब अर्जुन ज्ञवाली, कार्यक्रम संयोजक कपिल ज्ञवालीले सरकारको समृद्धिको नारा एकातिर र तथ्यांकमा भ्रष्टाचारको सूचीमा अगाडी देखिनु दुःखद भएको बताए ।à