खोज

खारेजीमा परेका सहकारी कार्यालय माथि जिल्ला समन्वय समितिले आँखा गाडेको छ । खारेजीमा परेको डिभिजन सहकारी कार्यालय माथि जिल्ला समन्वय समितिको सभापति निवासका लागि प्रयोग गर्न खोजिएको हो ।
०५५ सालमा तत्कालिन जिल्ला विकास समितिले कार्यालय प्रयोजनका लागि होलाङ्गदी नजिक निर्मित भवनलाई छाडेर जिल्ला समन्वय समितिले सहकारी भवन तर्फ नजर गाडेको हो ।
(कार्यालय प्रयोजन कै लागि) तत्कालीन समयमा एक तलाको भवन निर्माण गरिएको भएपनि जिल्ला परिषद्मा तत्कालीन सभापति, उप–सभापति सहित पदाधिकारीहरूको चर्को आलोचना भएपछि भवन प्रयोगमा आउन सकेको थिएन ।
झण्डै बीस लाख रूपैयाँ खर्चिएको भवन कहिले सशस्त्र प्रहरीको वेस क्याम्प त कहिले लुम्बिनी मेडिकल कलेजमा कार्यरत चिकित्सक को निवाश भएको छ । अहिले भवन वेवारिसे जस्तै भएको समन्वय समितिका एक कर्मचारीले बताए ।कार्यालयको आफ्नो भवन नभएर भाडामा रहेका सरकारी कार्यालयको कार्यालय प्रयोजनका लागि छनोट नगरेर जिल्ला समन्वय समितिको निवाश बनाउन नहुने र सरकारी निवास आफ्नो स्वामित्वमा रहेको भवनमा जानुपर्ने माग उठिरहेको छ ।
तत्कालीन समयमा जिल्ला विकास समितिको सभापति निवाशमा कार्यालय स्थापना गरिएको छ । २०६२ सालमा माओवादीले तानसेन आक्रमणका क्रममा दरबार ध्वस्त बनाएपछि सरकारी निवासमा कार्यालय व्यवस्थापन गरिएको थियो । शहकारी कार्यालय माथि समन्वय समितिको आँखा गड्नु स्वभाविक नभई अस्वभाविक भएको र समन्वयको स्वामित्वमा रहेको भवनलाई प्रयोग गर्नुपर्ने जिल्ला प्रशाशन कार्यालयका एक कर्मचारीले बताए । जिल्ला समन्वय समितिले सहकारीको भवन प्रयोगका लागि दवाव सिर्जना गरिरहेको उल्लेख गरिएको छ । भवन खाली भएपछि तानसेन नगरपालिकाले प्रयोग गर्न भन्ने हल्ला गरिएको थियो । तर नगरपालिकाको विषयगत कार्यालय राख्ने भनिए पनि समन्वय समितिको दवावका कारण नगरपालिकाको विषयगत समितिलाई प्रयोजनमा ल्याउन नदिएर समन्वय समितिको निवाश वनाउने षड्यन्त्र भएको नगरपालिकाको कर्मचारीहरू बताउँछन् ।