खोज

दाङको घोराही उप महानगरपालिकाले नगरबासीको स्वास्थ्यलाई पहिलो प्राथमिकतामा राखेको छ । जनप्रतिनिधिहरू निर्वाचित भएपछिको नगर कार्यपालिका बैठकले प्रत्येक वडामा एक वडा एक शहरी स्वास्थ्य केन्द्र स्थापना गर्ने नीति पारित गरी स्वास्थ्य केन्द्रहरू स्थापना भैरहेका छन् ।
उप महानगरपालिकाले नगरपालिका क्षेत्र भित्रका जेष्ठ नागरीकहरूलाई घरमै पुगेर स्वास्थ्य जाँच गरिरहेको छ भने वडा नंं. १ र ३ वाहेक अन्य स्थानमा शहरी स्वास्थ्य केन्द्रहरू स्थापना गरीसकेको छ । उप महानगरपालीका बन्नु भन्दा पहिला रहेका गाविसहरूमा रहेका स्वास्थ्य चौकी तथा अहिले उप महानगरपालिकाले स्थापना गरेका नगर स्वास्थ्य केन्द्रहरूले स्थानीयस्तरमा सेवा प्रदान गरीरहेको उप महानगरपालिका कार्यालयले जनाएको छ । नागरिकहरूको स्वास्थ्य उपचारलाई पहुँच युक्त बनाउन शहरी स्वास्थ्य केन्द्र स्थापना भैरहेको नगर स्वास्थ्य शाखा प्रमुख नारायणप्रसाद घर्तीले जानकारी दिए । कुनै पनि बिरामीहरू उपचारबाट बञ्चित हुन नपरोस र निःशुल्क उपचार होस भन्ने हेतुले वडाहरूमा वडाबासीको पायक पर्ने ठाउँमा स्वास्थ्य केन्द्रहरू स्थापना भैरहेका उनको भनाइ छ ।
बिहीवार वडा नम्बर ११ को शिबपुरमा शहरी स्वास्थ्य केन्द्र स्थापना गरिएको छ । यो संगै उप महानगरपालीकाको १६ वटा वडामा स्वास्थ्य संस्थाहरू रहेका छन् । वडाको विकटतालाई ध्यानमा राखेर कुृनै वडाहरूमा २ वटा स्वास्थ्य केन्द्रहरू स्थापना भएको घर्तिले जानकारी दिए । वडा नंं. १८ र वडा नं.२ को दुई स्थानमा स्वास्थ्य केन्द्रहरू रहेका छन् । गाउँमै स्वास्थ्य उपचार गराउने र जटिल प्रकारका रोगीहरूलाई उपमहानगरपालिकाले ५ हजार रूपैयाँ उपलब्ध गराउँदै आएको समेत कार्यवाहक मेयर सीता न्यौपानेले जानकारी दिइन् ।
सामान्य औषधिका लागि पनि घोराही बजार घाउनुपर्ने वाध्याताको अन्त्यका लागि स्वास्थ्य केन्द्रहरू स्थापना गरीएको न्यौपानेको भनाई छ । “अहिले उप महानगरपालिकाले स्वास्थ्य केन्द्र तथा जेष्ठ नागरीकहरूको घरमै पुगेर निःशुल्क उपचारको साथै जटिल किसीमका रोगहरूको लागि ५ हजार रूपैयाँ दिँदै आएको छ” न्यौपानेले भनिन् । स्वास्थ्य नागरिक वनाउनको लागि उप महानगरपालीका लागि परेको उनको भनाई छ ।
सामान्य ज्वरोको लागि सिटामोल किन्न बजार धाउनुपर्ने बाध्यताको यसले अन्त्य गरेको उप महानगरपालिकाका प्रमुख प्रशासकिय अधिकृत सन्तबहादुर सुनारले बताए । शहरी स्वास्थ्य केन्द्रहरूबाट ३२ प्रकारका औषधीहरू निशुल्करूपमा वितरण भैरहेकाछन् । शहरी स्वास्थ्य केन्द्रहरूवाट प्राथमिक उपचार, गर्भवती जाँच, टिबिको उपचार, परिवार नियोजनका साधन बितरण, परामर्श, खोप लगायतका उपचार सेवा समेत दिईने उनको भनाइ छ । तत्कालीन स्वास्थ्य चौकीहरूले भने अहिले प्रसूति सेवा समेत उपलव्ध गराउदै आएका छन् भने केहीले ल्यावको सुविधा समेत प्रदान गर्दै आईरहेका छन् । नगरबासीहरू पाएक पर्ने स्थानमा रहेका स्वास्थ्य संस्थाले सेवा दिइरहेको बताउँछन् । रामपुर स्वास्थ्य चौकीले गाउँमै प्रसूति सेवा दिइरहेको छ । त्यसैगरी सामान्य किसिमका रोग लागेमा उपचारको लागि घोराही आउनुपर्ने बाध्यता टरेको स्थानीयहरूको भनाइ छ ।