खोज

 विश्व मुटु दिवसको अवसरमा रोटरी क्लब अफ कपिलवस्तुले शिवराज नगरपालिका अन्तर्गत पाँच विद्यालयका २५ विद्यार्थीलाई शैक्षिक सहयोग गरेको छ ।
रोटरी इन्टरनेशनलले सेप्टेम्बर महिनालाई आधारभूत शिक्षा र साक्षरता महिनाको रूपमा मनाइरहँदा रोटरी क्लब अफ कपिलवस्तुले गरीब, विपन्न विद्यार्थीहरूको पठनपाठनमा थप सहयोग पु¥याउन शैक्षिक सामग्री प्रदान गरेको हो । शिवराज नगरपालिकाको चन्द्रौटामा आयोजित आफ्नो २८०ओं नियमित बैठकमै बालबालिकाहरूलाई आमन्त्रण गरी स्कूल व्याग, शैक्षिक र सरसफाई सामग्री प्रदान गरिएको रोटरी क्लब अफ कपिलवस्तुका अध्यक्ष तोयानाथ गैरेले जानकारी दिए ।
संसारबाट पोलियो उन्मुलनमा महŒवपूर्ण भूमिका खेलेको रोटरीले पछिल्लो समय सामाजिक क्षेत्रमा अग्रणी भूमिका निर्वाह गर्दै आएको रोटरी क्लब अफ कपिलवस्तुका चार्टर प्रेसिडेन्ट टोपलाल पोखरेल बताउँछन् । सन् २०३० सम्म संसारबाट निरक्षरता उन्मुलन गर्ने रोटरी इन्टरनेशनलको लक्ष्य रहेको पास्ट प्रेसिडेन्ट महादेव पोखरेलले उद्घोष गरे । सोही अभियान अन्तर्गत सेप्टेम्बर महिनालाई आधारभूत शिक्षाको रूपमा मनाएको उनले बताए ।
रोटरी क्लब अफ कपिलवस्तुका पास्ट प्रेसिडेन्ट डा. प्रकाश पौडेलले मानव स्वास्थ्य र शिक्षा संगसँगै जोडिएकाले मानव स्वस्थ भए सजिलै ज्ञान हासिल गर्न सक्ने बताए । मुटुको सम्बेदनशीलतालाई विशेष ख्याल गर्नुपर्ने बताउँदै पौडेलले मुटुको स्वस्थतालाई शिक्षासँग तुलना गर्दै शैक्षिक सहयोग कार्यक्रम आयोजना गरिएको समेत उद्घोष गरे ।
कार्यक्रममा रोटरी क्लब रोट्रयाक क्लब अफ कपिलवस्तुका अध्यक्ष सुनिल गैरे, रोट्¥याक क्लब अफ बुद्धभूमिका अध्यक्ष प्रदिप खनाल, इन्याक्ट क्लब अफ शिवगढीका अध्यक्ष, रोटरी क्लब अफ कपिलवस्तुका पदाधिकारी, विभिन्न विद्यालयका प्रमुख एवं प्रतिनिधि, संचारकर्मी लगायतको उपस्थिति रहेको थियो ।
कार्यक्रम प्रकाश मावि सुन्दरीडाँडा, मनकामना प्रा.वि. करहिया, बेवरभवानी प्रावि मैनार, धर्मज्योति आधारभूत विद्यालय भितरिया र ज्ञानज्योति प्रावि सुन्दरपुरका बालबालिकालाई शैक्षिक सामग्री वितरण गरिएको आयोजकले जनाएका छन ।