खोज

नेपाली कांगे्रसका महामन्त्री सशांक कोइरालाले जननेता विपि कोईरालाको अभाव खड्कीएको बताएका छन् । उनले विपिको विचार नै राष्ट्रिय विचारको रूपमा स्थापित भएको भन्दै यसलाई अक्षरंस पालन गर्नुपर्ने बताए ।
विपि विचार राष्ट्रिय समाज रूपन्देहीको शनिबार सम्पन्न प्रथम अधिवेशनमा बोल्दै उनले विपिले जस्तै कांगे्रसका नेताहरूले कार्यकर्तालाई माया गर्नुपर्ने बताए । उनले विपि तीन वर्ष कम्युनिष्टबारे अध्ययन गरेपछि कांगे्रस भएको बताए ।
महामन्त्री कोइरालाले वीपीको विचार र आदर्श अहिलेपनि समय सान्दर्भिक रहेको बताए । नेपाली कांगे्रसका केन्द्रिय सदस्य बद्री पाण्डेले विपिको विचार विजयी भएको दाबी गरेका छन् । उनले देशमा कम्युनिष्टहरूको सर्वसत्ताबादी विचारका अगाडि विपिको विचार विजयी भएको बताए । उनले कमल थापा, केपी ओली र प्रचण्ड पनि वीपीको विचारमा आएको जिकिर गरे ।
उनले संविधानमा लेखिएको समाजबाद कम्युनिष्टले चाहे जस्तो समाजबाद नभएको उल्लेख गर्दै न्यायको सिद्वान्तमा आधारित समाजबाद भएको बताए । कम्युनिष्ट व्यवस्थामा नीजि सम्पति राख्न नपाईने र अहिलेका सबै कम्युनिष्ट नेता तथा कार्यकर्ताहरूले कम्युनिष्ट नीति विपरित सम्पति थुपारेको आरोप लगाए ।
कार्यक्रममा लेखा समितिका सभापति तथा सांसद भरतकुमार शाहा, पूर्व मन्त्री सन्जय गौतम, राष्ट्रिय सभा सदस्य दुर्गा शर्मा, नेपाली कांगे्रसका रूपन्देही सभापति अब्दुल रज्जाक, क्षेत्रीय सभापति हरि लम्साल, सचिव रामकृष्ण खांण, प्रदेशसभा सांसद वलदेव शर्मा पोखरेल, रमा अर्याल, महिला नेतृ गंगा शाही, शरद भट्टराई , कृष्ण पोखरेल लगायतले बोल्दै वीपीले अगाडी सारेका राष्ट्रियता, समाजबाद र प्रजातनत्रलाई आत्मसाथ गर्नुको विकल्प नभएकोमा जोड दिएका छन् ।