खोज

न्युज बुटवलटुडे

दाङ, ३२ जेठ । स्थापना भएको करिव ५ बर्ष पछि राप्ती स्वास्थ्य विज्ञान प्रतिष्ठान घोराहीमा शैक्षिक कार्यक्रम सन्चालनमा आउन थालेका छन् । यो शैक्षिक सत्रमा प्रतिष्ठानले विएसस्सी नर्सिङ र विएनएस कक्षा सन्चालनमा ल्याएको छ । प्रतिष्ठानले विहिवार एक औपचारीक कार्यक्रमको आयोजना गरी विधिवत रुपमा ती शैक्षिक कार्यक्रममा पठनपाठन सुरु भएको उद्घोष गरेको छ ।

कार्यक्रममा बोल्दै प्रतिष्ठानका सिनेट सदस्य तथा जिल्ला समन्वय समितिका प्रमुख नित्यानन्द शर्माले राप्ती स्वास्थ्य विज्ञान प्रतिष्ठानले सन्चालनमा आएको पाच बर्षमा नर्सिङ शिक्षाको कार्यक्रम सन्चालन गरेकोमा खुसी व्यक्त गरे । साथै उनले यहांको उत्पादन गुणस्तरीय भएर सवै स्थानमा रोजगारी पाउने पनि उनले विश्वास व्यक्त गरे ।
कार्यक्रममा सिनेट सदस्य नित्यानन्द शर्माले चाडो भन्दा चाडो यहां एमविविएस शैक्षिक कार्यक्रम सन्चालनको वातावरण मिलाउन पनि विश्वविद्यालय पदाधिकारी एवं स्थानिय सरकारलाइ आग्रह गरे । एमविविएस कक्षा सन्चालनका लागी आवस्यक पुर्वाधार तयार गर्न जग्गा व्यवस्थापन देखि आर्थिक व्यवस्थापनमा समेत आफुले स्थानिय सरकार, प्रदेश सरकार र संघिय सरकारमा पनि आवस्यक समन्वय र सहजीकरण गर्ने पनि शर्माको अभिव्यक्ति थियो ।

केहि ढिलो भएपनि राप्ती स्वास्थ्य विज्ञान प्रतिष्ठानले शैक्षिक कार्यक्रम सुरु गरेकोमा खुसी व्यक्त गर्दै घोराही उपमहानगरपालिकाका प्रमुख तथा सिनेट सदस्य नरुलाल चौधरीले यो प्रतिष्ठानलाइ स्वास्थ्य सेवा लगायत स्वास्थ्य क्षेत्रका जनशक्तिको उत्पादनको अव्वल क्षेत्र बनाउन आफुनो निरन्तर प्रयास रहने बताए । चौधरीले नयां भर्ना भएका विद्यार्थिहरुको उज्वल भविस्यको कामना गर्दै पठन पाठन र बसोवासका सन्दर्भमा जुनसुकै समस्या आए त्यसमा स्थानिय सरकार, स्थानियबासी तथा सिनेट सदस्यकै हैसियतले पनि अहोरात्र सहयोग र सहजीकरण गर्ने पनि उनले आश्वासन दिए ।
शैक्षिक कार्यक्रम सन्चालनको घोषणासभामा बोल्दै विश्वविद्यालयका शिक्षाध्यक्ष डा वसन्त लामिछानेले नव आगन्तुक विद्यार्थिहरुलाइ स्वागत गर्दै सवथोक औषधिले मात्र नहुने भएकाले विरामीलाइ चाडो निको बनाउन नर्सिङ स्टाफको भुमिका अपरीहार्य हुने बताए । सो अवसरमा प्रतिष्ठानका रजिष्टार प्रकाश थापाले विद्यार्थिहरुलाइ ढुक्क भएर अध्ययन गर्न आग्रह गर्दै कुनै गुनासो भए मेट्रोन मार्फत रजिष्टर गराउन पनि विद्यार्थिहरुलाइ आग्रह गरे । कार्यक्रममा राप्ती स्वास्थ्य विज्ञान प्रतिष्ठानका डिन डा सागर पन्थीले यहांको शैक्षिक गुणस्तरमा कुनै समस्या नहुने भन्दै गुणस्तरको विषयमा ढुक्क भएर पठनपाठनमा लाग्न विद्यार्थिहरुलाइ आग्रह गरे । पत्रकार गिरीराज नेपालीले प्रतिष्ठानको उननयनमा दाङका सवै सन्चारकर्मिहरु प्रतिवद्ध रहेको बताए ।

कार्यक्रममा राप्ती स्वास्थ्य विज्ञान प्रतिष्ठानका नर्सिङ कोअर्डिनेटर प्राध्यापक अम्विका पौडेलले नर्सिङ शिक्षाका सन्दर्भमा विशेष प्रवेश तथा स्वागत मन्तव्य व्यक्त गरेकि थिइन् । कार्यक्रममा विद्यार्थिहरुको तर्फबाट शुमकामना मन्तव्य दिंदै विएससी नर्सिङकि विद्यार्थि सावित्रा वोहोराले नर्सिङ शिक्षाका लागी राप्ती स्वास्थ्य विज्ञान प्रतिष्ठानको गुणस्तरमा आफु विश्वस्त भएको बताइन् । साथै दाङ जिल्लाको भौगोलिक वनोट तथा हावापानी पनि उपयुक्त र सुरक्षित रहेको आफुले बुझेर यहां अध्ययनका लागि आएको उनको अभिव्यक्ति थियो । उनी काठमाण्डौ उपत्यका छाडेर अध्ययनकालागी दाङ रोजेकि हुन् ।

कार्यक्रममा प्रतिष्ठानका उपकुलपति डा विकाश लामीछानेले अवको एक बर्षमा एमडिजिपि, एम डि तथा एमएस कक्षा सन्चालनका लागी राप्ती स्वास्थ्य विज्ञान प्रतिष्ठान तयार रहेको बताए । अहिले प्रतिष्ठानमा आएको बजेटले प्रतिष्ठानले निर्माण गरेको गुरुयोजना अनुसार ४ सय वेडको ७ तलाको अस्पताल निर्माणको प्रक्रिया अघि बढाउने बताए । अस्पताल भवन निर्माण भैसकेपछि मात्र एमविविएस कक्षा सन्चालन हुन सक्ने उनको अभिव्यक्ति थियो ।

पहिलो पटक सुरु भएको नर्सिङ कक्षामा विएससी नर्सिङ तर्फ २० जना र विएनएस तर्फ २० जना विद्यार्थि भर्ना भएका छन् । हरेक सेमेस्टरमा १५ जना नेपाल सरकारको छात्रबृत्ति प्राप्त र ५ जना पेइङमा अध्ययन गर्ने छन् । विएससी नर्सिङ ४ बर्ष र विएनएस ३ बर्षको हुने छ ।