© २०२३
२४ मंसिर २०८२, बुधबार
२४ मंसिर २०८२, बुधबार
सल्यान, २४ कात्तिक ।
पश्चिम सल्यानको बनगाड कुपिण्डे नगरपालिकामा ट्रेक्टर दुर्घटना हुँदा आठ जना घाइते भएका छन । घाइते मध्ये ४ जनाको अवस्था गम्भीर छ । जिल्लाको बनगाड कुपिण्डे नगरपालिका १० रजेखोलाबाट थापाचौर जाँदै गरेको रा १ त १६९० नम्बरको ट्याक्टर रजेखोलामा दुर्घटना हुँदा आठ जना घाइते भएको जिल्ला प्रहरी कार्यालय सल्यानले जनाएको छ ।
घाइते हुनेमा बनगाड कुपिण्डे नगरपालिका १० थापाचौरका १६ वर्षीय तिलक बुढा, १८ वर्षीय भुपाल बुढा, १४ वर्षीय गोपाल पुन, १६ वर्षीय सुमन पुन, १७ वर्षीय जिम बहादुर बुढा, १७ वर्षीय कुलविर पुन, २१ वर्षीय झुपलाल घर्ती, र २१ वर्षीय नन्दलाल घर्ती रहेको जिल्ला प्रहरी कार्यालय सल्यानका सूचना अधिकारी सन्तोष खनालले जानकारी दिए ।
घाइते आठै जनालाई प्रादेशिक अस्पताल कालागाउँ सुर्खेत पठाइएको प्रहरीले जनाएको छ । प्रहरिका अनुसार घाइते मध्ये तिलक बुढा, भुपाल बुढा, गोपाल पुन र सुमन पुनको अवस्था गम्भीर छ ।
बालुवा लगेर थापाचौर जाँदै गरेको ट्रेक्टर सडकदेखि करिव ५० मिटर तल खसेको छ । ट्रेक्टरमा सवार नौ जना मध्ये एक जना भने सकुसल रहेका छन् । ट्रेक्टर चालक फरार रहेको र उनको खोजीकार्य भइरहेको प्रहरीले जनाएको छ ।
© २०२३
सर्वाधिकार सुरक्षित
Design & Developed By:
