खोज

ईनरह्वील क्लव अफ रूपन्देहीको आयोजनामा बुबाको मुख हेर्ने दिन (कुसे औंसी) मा दुर्गा भवानी शिव कुमार सैजु वृद्ध आश्रममा सहयोग गरेको छ । क्लवकी अध्यक्ष हेमा न्यौपानेका अनुसार ८ जना वृद्ध वृद्धाहरूलाई लत्ता कपडा, खाद्यान्न लगायतका विभिन्न बस्तुहरू सहयोग गरिएको हो ।
कार्यक्रममा रोटरी क्लव अफ डाउनटाउनका अध्यक्ष पिताम्बर ज्ञवाली, भ्वाईस प्रेसिडेन्ट कमला हमाल, क्लवकी सचिव उमा ढकाल, संस्थाकी कोषाध्यक्ष तथा कार्यक्रम संयोजक गिता शर्मा, रोट¥याक्ट क्लव रामापिथेकसका अध्यक्ष साजन भण्डारी लगायतले मन्तव्य राखेका थिए । आश्रमका व्यस्थापक कृष्ण रेस्मीका अनुसार १६ जनाको क्षमता भएको आश्रममा अहिले ८ जना वृद्ध वृद्धाहरूले आश्रय लिएका छन् ।
वृद्धा आश्रममा सहयोग
बुटवल,  रूपन्देही ब्यापार संघअन्तर्गतको जुत्ताचप्पल वस्तुगत उपसमितिले वृद्धा आश्रममा सहयोग हस्तान्तरण गरेको छ । उपसमितिले बुटवल उपमहानगरपालिका वडा नं. २ स्थित सिद्धबाबा दुर्गा भवानी शिव कुमारी सैंज वृद्धा आश्रममा रहेका वृद्धवृद्धाहरूलाई सहयोग हस्तान्तरण गरेको हो । संघका कार्यवाहक अध्यक्ष यमलाल लोहनी, वस्तुगत उपसमितिका संयोजक अर्जुनप्रसाद भट्टराई एवं संघका पदाधिकारी, सल्लाहकार, वस्तुगत उपसमतिका सदस्यहरूले उक्त वृद्धा आश्रमका व्यवस्थापक कृष्ण रेस्मी तथा वृद्धवृद्धाहरूलाई दाल, चामल, जुस लगायतका दैनिक उपभोग्य सामग्री तथा नगद हस्तान्तरण गरिएको थियो ।