खोज

रूपन्देही, १९ माघ ।

रूपन्देही जिल्ला र पाल्पा जिल्लाका सुरक्षा घेरा छलेर भारतीय रेडबुल लगायतका सामान राम्दी पु¥याइएको छ । उक्त सामान राम्ती प्रहरीले नियन्त्रणमा लिएको छ ।

तस्करी भइ रूपन्देही जिल्लाको सीमा नाकाबाट रूपन्देही र पाल्पा जिल्लाका सुरक्षाका घेरा छलेर पार भएको रेडबुल स्याङ्जा जिल्लाको राम्दी प्रहरी चौकीले शुक्रबार सांझ नियन्त्रणमा लिएको हो ।

भन्सार छली भएर रूपन्देही जिल्ला हुँदै पोखरा जान थालेको भारतीय रेडबुल राम्दी प्रहरी चौकीमा नियन्त्रणमा आउंदा कसरी एपीएफ र प्रहरी युनिट पार गरेर त्यहाँ सम्म कसरी पुग्यो भन्दै खैलाबैला मच्चिएको छ ।

जिल्ला प्रहरी कार्यालय स्याङ्जाका डिएसपीले रेडबुल चकलेट सहितका सामान गरी जम्मा १ लाख बराबरका सामान शुक्रबार नियन्त्रणमा लिएको जानकारी दिएका छन् ।

तस्करीको बाटो हुँदै दर्जनौ चेकिङमा सेटिङ मिलाउंदै भारतीय रेडबुल, सरफ, चकलेट लगायतका सामान ठूलो मात्रामा नाफा आउने कारण रूपन्देहीबाट स्याङ्जा हुँदै पोखरा जाने गरेको छ । यो एक सानो उदाहरण मात्रै भएको जानकारहरु बताउंछन । ठूलो नाफा हुने हुंदा तस्करहरुको सेटिङमै खाद्यान्न सामान पोखरा दैनिकी जाने गरेको छ ।

शुक्रबार सांझ राम्दी प्रहरीले पक्राउ गरेपछि सामान छुटाउन बुटवलको हिमानी एन्ड किराना पसलले रेडबुल र सर्फको ३४ हजार ८ सयको नक्कली बिल बनाएर राम्दी प्रहरी कहाँ पठाउन नपाउंदै बिलको तस्बिर बाहिर आएको थियो । भारतीय रेडबुल नेपालमा बिक्रीमा रोक लगाएपनि नाफा धेरै हुने कारण चोरी तस्करी हुँदै लुकाइ छिपाइ पोखरासम्म जाने गरेको छ ।

राजस्व कार्यालय शनिबार बन्द हुने हुंदा आज नै अनलाइन बिल बनाएर सामान हात पार्ने दाउमा तस्कर र ब्यापारीको ठुलो गिरोह लागेको सुचना बाहिर आएको छ । तस्करहरुले नेपालकै सामानको अनलाइन बिल बनाएर सामान हात पार्ने योजनामा लागेका छन् ।

यता राजस्व अनुसन्धान कार्यालय बुटवलका प्रमुख राजस्व अनुसन्धान अधिकृत विवेक घिमिरेले यस विषयमा अनुसन्धान हुने बताए ।