© २०२३
२८ मंसिर २०८२, आइतबार
२८ मंसिर २०८२, आइतबार
रौतहट ।
मधेश प्रदेशका मुख्यमन्त्री सतीशकुमार सिंहले रौतहटमा मापदण्ड विपरीत सञ्चालित १० वटा निजी अस्पताललाई तत्काल बन्द गर्न निर्देशन दिनुभएको छ। आज बिहान गरुडा र शिवनगर क्षेत्रमा अस्पतालहरूको छड्के अनुगमन गर्दै उहाँले यस्ता अस्पतालहरू बन्द गर्न निर्देशन दिनुभयो।
मुख्यमन्त्रीको सचिवालयका अनुसार, गैरकानुनी रूपमा सञ्चालनमा रहेका गरुडाका अनामीका, रोमा, सरस्वती, सन सिटी र शिवनगरको आनन्द हस्पिटल एण्ड एक्युपञ्चर सेन्टर लगायतका अस्पताललाई बन्द गर्न निर्देशन दिइएको हो।
मुख्यमन्त्री सिंहले बताएका छन् कि यी अस्पतालहरू स्वास्थ्य सेवा मापदण्ड पूरा नगरी सञ्चालनमा आएका थिए, योग्य चिकित्सकको अभाव थियो, साथै प्रयोगशाला र औषधि व्यवस्थापन पनि अव्यवस्थित थियो, जसका कारण जनस्वास्थ्यमा गम्भीर असर पर्ने जोखिम थियो। यसै कारण कारबाही गरिएको हो। यसअघि पनि प्रदेश सरकारले विभिन्न स्थानमा सञ्चालनमा रहेका अवैध स्वास्थ्य संस्थाहरूलाई बन्द गर्ने कार्य गरेको थियो।
© २०२३
सर्वाधिकार सुरक्षित
Design & Developed By:
